1 SAMUEL 20:41 - Pathien Lekhabu Inthieng (BSI)

⁴¹ Chun, naupang chu a fe phingle chun David chu a umna hmun simtieng panga inthawk chun a hung tho a, hmaia hnuoi sikin chibai vawi thum a bûk a, chun, an infâwp a, an ṭap rêl a. David ruok chu a zuol bîk a.

1 SAMUEL 20:41 ပူးပေါင်းရင်းမြစ်များ

INṬANNA 29:11

Chun, Jakobin Rakil chu a fâwp a, inringtakin a ṭap ta a.

INṬANNA 29:13

Laban chu a farnu naupa Jakob chanchin a hriet chun, a tuok dingin a tlân a, a kuo a, a fâwp a, ama chu a inah a ṭhuoi ta a. Chun, Jakobin chuong thu po po chu Laban a hril ta a.

INṬANNA 33:4

Chun, Esau chu ama lâwm dingin a tlân a, a kuo a, a ir a suktuo a, a fâwp a; chun, an ṭap ve ve ta a.

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 43:28

Anni chun, “Kan pa i siehlaw chu a dam lai a nih, damin a la um,” an ti a. Chun, an lu an kûn a, chibai an bûk nâwk a.

INṬANNA 45:15

Chun, a unauhai po po chu a fâwp a, a ṭap khum seng a; chu hnunga chun, a unauhai chun thukhawchâng an hrilpui ta a.

2 SAMUEL 1:2

a ni thum ni chun, ngai ta, mi pakhat an ṭhanghmuna inthawk Saula kuoma mi chu a puonhai tlêr nengnungin le a lua pilvut kai nung hin a hung a; chun, David kuomah a hung tlung chun hnuoia bawkkhupin chibai a bûk a.

2 SAMUEL 1:26

Ka unaupa Jonathan, i chungthua hin ka lunginzîng a nih; Ka chungah i ṭha êm êm hlak a, I mi hmangaina chu a mak a, Nuhmei hmangaina chu a khûm dai a nih.

2 SAMUEL 14:4

Chun, Tekoa khuoa nuhmei chun lal kuoma thu hril ding chun hmaia hnuoi sikin chibai a bûk a, a bawkkhup a, “Aw lalpa, mi ṭhangpui rawh,” a ta.

2 SAMUEL 19:39

Chun, mipui po pohai chu Jordan râl an kai a; chun, lal khawm chu a kai ve a; chun, lal chun Barzillai chu a fâwp a, mal a sâwm a; chun, ama hmun tieng a fe nâwk ta a.

2 SAMUEL 9:6

Chun, Saula nau Jonathan naupa Mephiboseth chu David kuoma chun a hung a, a hmaia hnuoi sikin chibai a bûk a. Chun, David chun, “Mephiboseth,” a ta. Ama chun, “En ta, i siehlaw hi,” a ti a, a dawn a.

1 LALHAI 1:16

Bathseba chun kûnin lal chu chibai a bûk a. Chun, lal chun, “Ieng am i dit a?” a lo ti a.

1 LALHAI 1:23

“En ta, zâwlnei Nathan a hung ie,” tiin lal chu an hril a. Chun, lal kuom a va tlung chun, lal hmaa chun a hmaia hnuoi sikin a bawkkhup a.

1 LALHAI 1:31

Chuongchun, Bathseba chu a hmaia hnuoi sikin a bawkkhup a, lal chu chibai a bûk a, “Ka pu lal David hi kumkhawtluongin dam zing raw se,” a ta.

THILTHAWHAI 20:37

Chun, an rêng chun an ṭap a, Paula chu an kuo a, an fâwp an fâwp a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 18:3

Chuongchun, Jonathan le David chun thu an thlung a, ama hringna ang chiea a hmangai leiin.

1 SAMUEL 20:40

Chun, Jonathan chun a hriemhreihai chu naupang chu a pêk a, a kuomah, “Fe la, khuoah lo hang fepui rawh,” a ta.

1 SAMUEL 24:9

Chun, David chun Saula kuomah, “Ngai ta, ‘David hin i sietna ding a zawng a nih,’ tiha mihaiin i kuoma an hril chu iengdinga i awi hlak am a na?

1 SAMUEL 25:23

Chun, Abigail chun David a hmu chun a sabengtunga inthawk chun a ṭum vat a, David hmaa chun a hmaia hnuoi sikin chibai a bûk a.