1 SAMUEL 2:6 - Pathien Lekhabu Inthieng (BSI)

⁶ Lalpa chun a sukhlum hlak a, a sukhring bawk hlak, Thlânah ân fe thlâktir hlak a, a ṭhuoi suok bawk hlak.

1 SAMUEL 2:6 ပူးပေါင်းရင်းမြစ်များ

1 LALHAI 17:22

Chun, Lalpain Elija thu chu a lo ngaipêk a, chuongchun, naupang hringna chu amaa chun a hung um nâwk a, a hung har nâwk ta a.

2 LALHAI 5:7

Chun, Israel lal chun lekhathawn chu a tiem phingleh, a puonhai a keithlêr a, “Hi mipa hin mi ân phârna sukdam dinga ka kuoma a hung tir hi sukdam ding le sukhlum dingin Pathien am ka nih? amiruokchu, ngaituo ta u, ka ngên cheu hi, keia chunga insêlna a zawngzie hi en ta u,” a ta.

JOB LEKHABU (THE BOOK OF JOB) 5:18

Pânna a siem a, a tuom a, A sukhliem a, a kuthai chun a sukdam si a.

INPÂKNA HLABU 116:3

Thina hruihruolhai chun an mi zem a, Seol natnahai chun a mi man a, Lunginzîngna le lungngaina ka tuok a.

INPÂKNA HLABU 30:4

Aw a mi inthienghai, Lalpa inpâkin hla sak unla, A hming inthieng chu inpâk ro.

INPÂKNA HLABU 68:20

Pathien chu ei ta dingin sanhimtu, Pathien a nih, Thinaa inthawka suoknahai chu Lalpa Jehovah ta a ni bawk.

INPÂKNA HLABU 71:20

Nang, lungzîngna tamtak le nasatak mîn hmutirtu chun, Mi sukhring nâwk i ta, hnuoi inthûktaka inthawkin mi ṭhuoisuok nâwk i tih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

EZEKIEL 37:12

Chuleiin, thu hril la, an kuomah hieng hin ti rawh: Lalpa Pathien chun hieng hin a tih: Ngai ta u, in thlânhai chu hung hawng ka ta, in thlânhaia inthawk chun hung insuoktir ka ti cheu, aw ka mihai; chun, Israel rama chun ṭhuoi ka ti cheu.

EZEKIEL 37:3

Chun, ama chun ka kuomah, “Mihriem naupa, hieng ruhai hi hring thei an ti?” a ta. Chun, “Aw Lalpa PATHIEN, nangin i hriet ,” tiin, ka dawn a.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

JOHAN 11:25

Chun, Isûn a kuomah, “Kei hi thonâwkna le hringna chu ka nih; tûkhawm a mi ring chu thi sienla khawm hring zing a tih;

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el si a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, Lalpa hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.