1 SAMUEL 2:5 - Pathien Lekhabu Inthieng (BSI)

⁵ Khawp hlakhai chu fâk ding zawngin an inhlawfa ta a, Phîngṭâm hlakhai chu an phîng a ṭâm ta naw a; Anih, ching chun pasari a nei ta a, Nau tamtak neinu chu a châu tah,

1 SAMUEL 2:5 ပူးပေါင်းရင်းမြစ်များ

INPÂKNA HLABU 113:9

Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; Lalpa chu inpâk ro.

INPÂKNA HLABU 34:10

Sakeibaknei vânglaihai chu an tlasamin an phîng a ṭâm hlak a: Lalpa zawngtuhai ruok chun thil ṭha hrim hrim tlasam naw ni hai.

ISAI 33:9

Ram chu a ṭapin a châu a; Lebanon chu ân zakin a vuoi a, Saron chu thlalêr ang a ni tah; Basan le Karmel chun an hnahai an thin thlâk a.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nauhai an tam lem si a,” Lalpain a tih.

JEREMIA 15:9

Nau pasari neitunu chu a chau ta a, a chau let dêr a; sûn a ni lai chun a nisa chu a tla ta a; ama chu ân zakin a hamhai a; chun, anni a la mahlahai chu an hmêlmahai kuomah kâwlhnâmah pêng ka tih,” Lalpa chun a tih.

LUKA 1:53

Phîng ṭamhai chu thil ṭhatakin a sukkhawp ta a, Hausahai chu kutruokin ân fe hmangtir ta a.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

GALATI 4:27

“Nang ching, nau nei ngai lo hlim rawh. Nang nauha invawi ngai lo khêk suok rawh; Pasal nei mi nêk chun khawsâwtnu chun Nauhai a nei tam lem si a,” ti ziek a ni kha.

RUTH 4:15

Ama chu i ta dingin hringna tungding nâwktu le i tar tieng châwmtu hung ni raw se; i monu, a hmangaitu che hi, naupasal pasari nêkin i ta dingin a tam lem a, ama chun naupa a neipêk ta che hi,” an ta.

1 SAMUEL 1:20

Chuongchun, Hanna chun nau a vawn a; a hun a hung tlung chun naupasal a nei a, “Lalpa ka ihni a nih,” tiin a hminga chun Samuel a sak a.

1 SAMUEL 1:6

Chun, Lalpain a sul a sukpingpêk leiin a lungngaina chu chawktho tumin a khingpui chun a lo thaw rawp hlak a.