1 SAMUEL 2:29 - Pathien Lekhabu Inthieng (BSI)

²⁹ Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.

1 SAMUEL 2:29 ပူးပေါင်းရင်းမြစ်များ

2 LALHAI 12:6

Nisienlakhawm, lal Jehoas chu kum sâwmhni le kum thum ân lal hnung khawmin thiempuhai chun in sie chu an la siem naw rawp a.

INPÂKNA HLABU 26:8

Lalpa, i umna in chu ka ngaina a, I ropuina umna khawm chu.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

EZEKIEL 34:10

Lalpa Pathien chun hieng hin a tih: Ngai ta, berâmpuhai chu ka dodâl a nih; ka berâmhai chu an kutah lâkpêk ka ta, an berâm châwm chu inmâktir ka tih; anni berâmpuhai khawm chu mâni le mâni inchâwm bîk ta naw bawk an tih; chun, an ta dinga bu an ni nawna dingin ka berâmhai chu an baua inthawk chun la suok ka tih.

EZEKIEL 34:2

“Mihriem naupa, Israel berâmpuhai chungah thu hril la, thu hril la, berâmpuhai kuom ngeia chun, an kuoma chun hril rawh; Lalpa Pathien chun hieng hin a tih; Israel berâmpuhai mâni le mâni inchâwmtuhai chu an chung a rik de; berâmpuhai chun berâmhai chu an châwm ding a ni naw am a nih?

HOSEA 4:8

Ka mihai suolna an fâk a, An khawhlonaa chun an lungril an innghat a;

LEVI DÂN 19:15

“Rorêlnaa chun fellotakin in rêl ding a ni nawh, mi rimsi chu i thlier ding a ni naw a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu Lalpain hieng ang hin a tih:

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si naw a.

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

2 KORINTH 5:16

Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 33:9

‘Ka nu le ka pa ka hriet nawh,’ titu, A unauhai hre lo a, Ama nauhai ngei khawm hre bawk lotu kuoma chun, I thu chu an pawm a, I thuthlung chu an zâwm si a.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

1 SAMUEL 3:13

A nauhaiin Pathien an hrilsietna suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta si a.