1 SAMUEL 2:28 - Pathien Lekhabu Inthieng (BSI)

²⁸ Chun, Israel hnam po po laia ka maichâma hang fe a, riminhnik raw a, ka hmaa zakawsîng hâk dingin ka thiempu dingin ama chu ka ruot a ni naw am a nih? I thlatuhai chu Israel mihai pumrawhmang thil inhlân po po ka pêk a ni naw am a nih?

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Chuongchun, Nathan chun David kuomah, “Chu mi chu nang hi i nih, Lalpa, Israelhai Pathien chun hieng ang hin a tih, Israelhai lal ni dingin hriek ka nâl che a, Saula kuta inthawkin ka sansuok che a;

2 SAMUEL 6:14

Chun, David chu a theitâwpin Lalpa hmaah a lâm a, David chun puonzai inhmi thiempu zakawsîng a hâk a.

FESUOKNA 28:1

“I unaupa Aron hi Israel mihai laia inthawkin ama le a naupasalhai hi, thiempu sina ka hmaa rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah hung ṭhuoi rawh.

FESUOKNA 28:4

“Hieng hi silfên an siem dinghai chu a nih: âwmbel, zakawsîng, zakawfuol le zakawchung ṭhuimawi, lukâwm le kâwngkhi hi; chun, i unaupa Aron le a naupasalhai chu thiempu sina ka kuoma rawng an bâwl theina dingin silfên inthienghai siempêk an tih.

FESUOKNA 30:7

Chun, Aronin chu chunga chun thil riminhnik chu râwng a ta, zîng tinin khâwnvarhai chu a chei pha râw hlak a tih.

FESUOKNA 30:8

Aron chun zântienga khâwnvarhai ân sit pha chun raw bawk a tih; in thlahai chenin Lalpa hmaah riminhnik chu râw zing in tih.

LEVI DÂN 2:10

Fâkmi thilinhlâna lâk mahlahai chu Aron le a naupasalhai chanpuol ding nîng a tih; chu chu Lalpa ta dinga mei hmanga thilinhlânhaia thil inthieng tak chu a nih.

LEVI DÂN 2:3

Fâkmi thilinhlân la lâk mahlahai chu Aron le a naupasalhai ta ding nîng a tih; chu chu Lalpa ta dinga mei hmanga thilinhlânhaia inthieng tak chu a nih.

LEVI DÂN 6:16

Chun, lâk mahla chu Aron le a naupasalhai chun an fâk ding a nih; chu chu hmun inthienga chun chawl ṭhang lovin fâng an ta; intuokna puon in tuolah an fâk ding a nih.

LEVI DÂN 7:32

A mal changtieng chu, i inremna thilinhlânhai inthâwinaa inthawka i thilinhlân dingin thiempu kuoma chun i pêk ding a nih;

LEVI DÂN 7:36

anni chu hriek nâla an um niin, Israel mipuihaiin hi thil hi pe dingin Lalpain thu a pêk tah a nih; hi hi an thlahai chena dinga kumkhaw thil phût chu a nih,” tiin.

NAMBAR 16:5

Kora le a pâwlhai po po kuoma chun, “Zingah zîngkâr Lalpain a tahai le ân thienghai chu suklangin ama va hnai dingin hung tîng a ta, a thlanghai ngei chu ama va hnai dingin tîng a tih.

NAMBAR 18:19

Thil inthienga thên thilinhlân, Israel mihaiin Lalpa ta dinga an inhlânhai chu in kumkhaw chanpuol dingin ka pêk cheu a nih. Lalpa hmaah nang le i naupasalhai le i naunuhmeihai le chatuon machi thuthlung a nih,” a ta.

1 SAMUEL 14:3

Chun, Silo khuoa thiempu Eli naupa Phinehas naupa Ikabod naupa Ahitub naupa Ahija chu thiempu zakawsîng hâkin a um ve a. Chun, Jonathan chu a fe ti mipuihai chun an hriet naw a.

1 SAMUEL 2:18

Samuel chu naupang ni sien khawm, puonzai inhmi zakawsîng hâkin Lalpa hmaah rawng a bâwl a.