1 SAMUEL 2:22 - Pathien Lekhabu Inthieng (BSI)

²² Eli chu a hung tar ta hle el a; Israel mihai po po chunga a nauhai thilthaw po po le inbiekna puon in kawtkhâr bula rawngbâwltu nuhmeihai an lo zâlpui hlak thu dâm a lo hriet a.

1 SAMUEL 2:22 ပူးပေါင်းရင်းမြစ်များ

INṬANNA 35:22

Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

INṬANNA 37:2

Hieng hi Jakob thlahai chu an nih: Josef chu kum sâwmpasari a niin a uhai, a pa nuhmeihai Bilha le Zilpah naupasalhai leh ran ruol an inthla a. Josef chun an suol thukhawchâng chu a pa kuomah ân tlun a.

FESUOKNA 38:8

Chun dârsenin maihûn a siem a, a ṭhut chu dârsen, intuokna puon in kawtkhâra rawng bâwl hlak nuhmeihai hlimenhaia siem a nih.

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran naw a, chuongchun, mihai khawm chu thil inthieng le thienglo chu hre hran dingin an siem naw a; ka châwlnia inthawkin an mithai an hup a; anni laia chun sukhmingsiet ka ni tah a nih.

1 SAMUEL 2:23

Chuongchun, an kuomah, “Iengdinga hieng ang thil hi in thaw am a na? Mi po pohaia inthawk hin in thilthaw ṭha nawhai chu ka lo hriet a nih.

1 SAMUEL 3:13

A nauhaiin Pathien an hrilsietna suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta si a.

1 SAMUEL 8:1

Samuel chu a hung upa ta a, a naupasalhai chu Israel mihai chunga rorêltuhaiah a siem a.