1 SAMUEL 2:21 - Pathien Lekhabu Inthieng (BSI)

²¹ Chun, Lalpa chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu Lalpa hmaa chun a hung inṭhanglien ta a.

1 SAMUEL 2:21 ပူးပေါင်းရင်းမြစ်များ

INṬANNA 21:1

Lalpa chun a hril ta angin Sara chu a zu kan a, Lalpa chun a tiem ta angin Sara chungah a thawpêk bawk a.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

THUVARHAI 3:4

Chuongchun, mihriem le Pathien mithmuah, Hrietthiemna ṭha le ditsakna hmûng i tih.

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

LUKA 1:80

Chun, nautê chu a hung lien deu deu a, a thlarau tieng a hung hrât ta deu deu a, Israelhai kuoma a hung insuklang hmakhat chu thlalêrah a um zing a.

LUKA 2:40

Chun, nautê chu a hung inṭhang lien deu deu a, a hung hrât deu deu a, varnain a sip ta a, Pathien lunginsietna a chungah a um bawk a.

LUKA 2:52

Chun, Isu chu a var deu deu a, a hung lien deu deu a, Pathien le mihriem ditsakin a um deu deu a.

RORELTUHAI 13:24

Chun, nuhmei chun naupasal chu a hung nei ta a, a hmingah Samson an sak a; chun, nautê chu a hung inṭhanglien a, Lalpain ama chu mal a sâwm a.

1 SAMUEL 2:26

Chun, naupang Samuel chu ân ṭhanglien deu deu a, Pathien le mihriemhai dit zâwngin a um ta a.

1 SAMUEL 3:19

Chun, Samuel chu a hung inṭhanglien deu deu a, a kuomah Lalpa a um pei a; a thu hrim hrim chu leihnuoiah ân luonghmangtir el naw a.