1 SAMUEL 2:10 - Pathien Lekhabu Inthieng (BSI)

¹⁰ Lalpa insuolpuihai chu kawinawiin um an ta, Vâna inthawka vâninrûmin do a ta; Lalpa chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Lalpa chu vâna khin a hung inri dur dur a, Achunghnungtak chun a râwl ân suo a.

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

2 SAMUEL 7:8

Chuleiin, ka siehlaw David kuomah, Sipaihai Lalpa chun hieng ang hin a ti a nih, ‘berâm tlatna hmuna inthawka i berâm vêng lai chun ka mi Israelhai chunga hotu dingin ka lâk che a;

JOB LEKHABU (THE BOOK OF JOB) 40:9

Annawleh, Pathien angin bân i nei am a nih? Ama ang chun râwlriin i sukrûm thei am a nih?

INPÂKNA HLABU 132:17

Chutaka chun David ki chu inder suoktir ka ta, Ka hriek nâl ta ding chun khâwnvar ka ruot ta a.

INPÂKNA HLABU 148:14

A mihai ki chu a chawimawi bawk a, A mi inthieng po po inpâkna chu: Israel nau, ama hnaituhai inpâkna chu. Lalpa chu inpâk ro.

INPÂKNA HLABU 2:2

Hnuoia lalhaiin an ep huoi huoi a, Hotuhai khawm an inrâwn khâwm a, Lalpa le a hrieknâl chunga chun:

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

INPÂKNA HLABU 20:6

Lalpain a hrieknâl hi a sandam ti tuhin ka hriet ta a, A kut changtieng sandamna thain, A vân inthienga inthawk khin ama la dawn a tih.

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun Lalpa kan Pathien hming chu lam lem kan tih.

INPÂKNA HLABU 21:1

Aw Lalpa, lal chu i hrâtnaa hin hlim a ta, I sandamnaa hin a va hlim nasa âwm de;

INPÂKNA HLABU 28:8

Lalpa chu an hrâtna a na, A hrieknâl ta ding chun sandamna kulbîng a nih.

INPÂKNA HLABU 45:7

Felna chu i ngaina a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

INPÂKNA HLABU 89:17

Nang chu an hrâtna ropuina i ni si a, I ditsakna leiin kan ki hi chawimawiin um a tih.

INPÂKNA HLABU 89:24

Ama kuoma ruok chun ka ngilneina le ka ringumna chu um a ta, Ka hming leiin a ki chu chawimawiin um bawk a tih.

INPÂKNA HLABU 89:25

A kut chu tuipuia chun innghat ka ta, A kut changtieng chu vadungpuia hai chun.

INPÂKNA HLABU 96:13

Lalpa hmaa chun ama chu a hung ding a nih, Hnuoi ro rêl dingin a hung ding a ni si a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

FESUOKNA 15:6

Aw Lalpa, i kut changtieng chu thilthawtheinain a ropui a, Aw Lalpa, i kut changtieng chun hmêlma chu a nuoihâwp a.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 12:14

Pathien chun sin tinrêng chu rorêlnaah a hung lâk lût ding a ni si a, thil inthuphai po po le, a ṭha khawm a ṭha naw khawm chu.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 32:1

Ngai ta, lal pakhat chu feltakin lalah ṭhung a ta, mi lienhai chun rorêlna felin ro rêl an tih.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

EZEKIEL 29:21

“Chu nia chun Israel sûngkuoa chun ki hung inder suok dingin thâwng ka ta, anni laia chun bau kâkna chu pêng ka ti che a; chun, Lalpa ka nih ti mi hre tâng an tih,” tiin.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

LUKA 1:69

A siehlaw David sûnghai lai chun, Sandamna ki a mi siempêk ta si a;

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.

1 SAMUEL 12:13

Chuleiin, in lal thlang le hni chu en ta u, Lalpa chun lal a siempêk ta cheu a ni hi.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin Lalpa chu ko ka ta; chuongchun, lal in hni thua hin Lalpa mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:18

Chuongchun, Samuel chun Lalpa chu a ko a, Lalpa chun chu ni chun vân ân rûmtir a, ruo ân sûrtir ta a; chuongchun, mipui chun Lalpa le Samuel chu an ṭi ta êm êm el a.

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.

1 SAMUEL 15:28

Chun, Samuel chun a kuomah, “Vawisûna inthawk hin Lalpa chun Israel ram hi a lâkpêk ta che a, i nêka ṭha lem i tuolbâwm a pêk tah a nih.

1 SAMUEL 16:1

Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 7:10

Chun, Samuelin pumrawhmang thilinhlân ân hlân lai tak chun Philistin mihai chun Israel mihai chu thaw dingin an hung hnai a, nisienlakhawm, chu ni chun Lalpain Philistin mihai chungah vân nasatakin ân rûmtir ta dur dur el a, a sukbuoi ta a; Israel mihai hmaa chun an tlâwm ta dêr el a.