1 SAMUEL 19:4 - Pathien Lekhabu Inthieng (BSI)

⁴ Chun, Jonathan chun a pa Saula hmaa chun David chu ân pâk a, a kuomah, “Lal chun a siehlaw chungah, David chunga hin thil suol thaw lul naw raw se, i chungah iengkhawm a suksuol si naw a, a thilthawhai chu i ta dinga ṭhatak a ni si a;

1 SAMUEL 19:4 ပူးပေါင်းရင်းမြစ်များ

INṬANNA 42:22

Chun, Reuben chun, “Naupang chungah thil suksuol naw ro ka ti naw cheu am a nih? in ngai naw a, chuleiin, ngai ta u, a thisen phuba chu an lâk a ni hi,” tiin anni chu a dawn a.

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

2 CHANCHIN SUINA 6:22

“Miin a tuolbâwm chungah thil a suksuol a, vânni khâm dinga inkhâmtira um ding a lo ni chun, hi ina hin a hung a, i maichâm hmaa hin a hung inkhâm chun;

INPÂKNA HLABU 35:12

Ka hringna khawm beidawng dêr khawpin, Thil ṭha thil suolin an mi thung a.

INPÂKNA HLABU 59:4

Ka suol naw sa khawmin an tlân a, an inbuotsai a, Mi ṭhangpui dingin insukhar la, en rawh.

THUVARHAI 17:13

Tukhawm thil ṭha aia thil ṭha naw pe lem chu, Thil ṭha naw a ina inthawkin fe hmang ngai naw nih.

JEREMIA 18:20

Thil ṭha naw chu thil ṭhaa thung a ni ding am a nih? Ka thlarau ta dingin khur an cho ta si a. An ta dinga thil ṭha hril dinga i hmaa, i lunginsenna annia inthawka sukkieng dinga ka ngîr kha hre zing la.

1 KORINTH 8:12

Unauhai chungah chuong ang thil in suksuola, an sie le ṭha hrietna a hrât naw nâklai, in inhliem hlau chun, Krista chungah thil in suksuol a nih.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet si a.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.

1 SAMUEL 20:32

Chun, Jonathan chun a pa Saula chu a dawn a, a kuomah, “Iengdingin am sukhlum ding nîng a ta? Ieng am a thaw hrim leh?” a ta.

1 SAMUEL 22:14

Chuongchun, Ahimelek chun lal chu a dawn a, “Lal mâkpa, i mi rawntak hlak, in sûngkuo laia mi inzaum David ang hrim hrima mi ringum hi i siehlaw po pohai lai hin tu am a um a?