1 SAMUEL 19:23 - Pathien Lekhabu Inthieng (BSI)

²³ Chuongchun, Rama khuoa Naiotha chun a fe a, chun, Pathien thlarau chu a chunga chun a hung tlung ve ta a, a fe pei a, Rama khuoa Naioth a tlung hmakhat chun thu a hril malam pei a.

1 SAMUEL 19:23 ပူးပေါင်းရင်းမြစ်များ

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu Lalpa chun a kâwkhmu hlak.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

NAMBAR 23:5

Lalpain Balaam baua chun thu a sie a, “Balak kuoma chun kîr nâwk ta la, va hril sâwng rawh,” a ta.

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmu a, chun, Pathien thlarau a chungah a hung tlung a.

MATTHAI 7:22

Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.

JOHAN 11:51

(Chu thu chu ama phuokfâwmin a hril nawh, chu kum chun Thiempu Laltak a na, an chihai nêka Isu a thi ding thu a hril lâwk a ni lem.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.

1 SAMUEL 10:12

Chun, a umna khuoa mi pakhatin a dawn a, “An pa chu tu am a ni bîk leh?” an ta. Chuongchun, “Saula khawm chu zâwlnei a ni ve el ta a ni maw chu?” ti chu ṭawngna takah an hmang ta zing a.

1 SAMUEL 10:6

chun, Lalpa thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 18:10

Chun, a zînga chun Pathien tir khawhri Saula chunga chun a hung tlung ta rak el a, in sûnga chun thu chu a hril ta nuk nuk el a, chun, David chun ni danga a thaw dân ang bawkin ṭingṭang a kei a: Saula chun a fei chu a chawi zing a.

1 SAMUEL 19:18

Tûn David chu a tlân hmang a, a him ta a, Rama khuoa Samuel kuomah a va tlung a, a chunga Saula thilthawhai po po chu a hril a. Chun, ama le Samuel chu an fe a, Naiothah an um a.

1 SAMUEL 19:20

Chuongchun, David chu va ṭhuoi dingin Saula chun mitirhai a tir a, chun, zâwlnei ruolin thu an hril duol duol lai le Samuel an chunga hotua um an va hmu chun, Saula mitirhai chunga chun Pathien thlarau a hung tlung a, anni khawm chun thu an hril ve ta duol duol a.

1 SAMUEL 19:22

Chuongchun, ama khawm chu Rama khuoa chun a fe ve ta a; chun, Seku hmuna tuisunsuo lientak hmun chu a va tlung a, “Samuel le David hi khâwlai am an um a?” tiin ân dawn a. Chun, tuin amani hin, “Ngai ta, Rama khuoa Naiothah an um,” a ta.