1 SAMUEL 19:20 - Pathien Lekhabu Inthieng (BSI)

²⁰ Chuongchun, David chu va ṭhuoi dingin Saula chun mitirhai a tir a, chun, zâwlnei ruolin thu an hril duol duol lai le Samuel an chunga hotua um an va hmu chun, Saula mitirhai chunga chun Pathien thlarau a hung tlung a, anni khawm chun thu an hril ve ta duol duol a.

1 SAMUEL 19:20 ပူးပေါင်းရင်းမြစ်များ

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmu a, chun, Pathien thlarau a chungah a hung tlung a.

JOHAN 7:32

Chun, Pharisaihaiin a chunga mipui chier rûknahai chu an hriet a, chuongchun, thiempu lalhai le Pharisaihai chun ama man dingin manmihai an tir ta a.

1 KORINTH 14:3

Thuhriltu ruok chun mihriem kuomah siem ṭhatna thu dâm, infuina thu dâm, thlamuongna thu dâm a hril lem hlak.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.

1 SAMUEL 19:11

Chun, Saula chun David chu in tienga zîngkâra lo inchâna that dingin mi a tir a; chun, David nuhmei Mikal chun, “Vawizân hin i hringna i humhim naw chun, zînga hin an that ding che a nih,” tiin a hril a.

1 SAMUEL 19:14

Chun, David ṭhuoi dinga Saulan mi a hung tir chu, “A dam nawh,” a lo ta.

1 SAMUEL 19:19

Chun, Saula chu, “Ngai ta, David chu Rama khuoa Naiothah a um” ti an hril a.

1 SAMUEL 19:21

Chu chu Saula an hang hril chun, mi dang a tir nâwk a, anni khawm chun thu an va hril ve ta duol duol el a.