1 SAMUEL 18:8 - Pathien Lekhabu Inthieng (BSI)

⁸ Chuongchun, Saula chu a lunginsen ta vieu el a, chuong thu chun ama a suklâwm naw hle el a, “David chu a sînga sîng thatah an ngai a, kei ruok chu a sânga sâng chau thatah an mi ngai a: ram ti chau lo chu ieng am a nei ding dang a um ta leh?” a ta.

1 SAMUEL 18:8 ပူးပေါင်းရင်းမြစ်များ

INṬANNA 37:11

Chun, a uhai chun ama chu an îtthîk a, a pa ruok chun a thuhril chu lungrilin a vawn zing a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an ti a. Chuongchun, a mang lei le a thuhril lei chun ama chu an theida nâwk zuol det a.

1 LALHAI 2:22

Chun, lal Solomon chun a dawn a, a nu kuoma chun, “Iengtiziea Sunam mi Abisag hi Adonija ta dinga hni am i ni leh? Ram khawm hi hnipêk law law ta la; ama chu ka u a ni annâwm, ama ta ding le thiempu Abiathar ta ding le Zeruia naupa Joab ta ding khawma hni raw chu,” a ta.

ESTHER 3:5

Chun, Hamanin Mordekai chun ama chu chibai a bûk naw a, inza khawm ân za nawh ti a hriet chun, Haman chu a lunginsen ta êm êm el a.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

THUVARHAI 27:4

Lunginsenna hi a suol a, lungawi nawna hi a phulliem a; Amiruokchu, tu am îtthîkna hmaa chun ngîr thei a ta?

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

NAMBAR 11:1

Mipuihai chun Lalpa na hrieta chun mi chier hmang angin thil ṭha naw takhai an hril hlak a; chu chu Lalpa chun a lo hriet chun a lung a chawk ta a; chuongchun, Lalpa mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 22:34

Balaam chun Lalpa vântirko kuomah, “Ka lo suol a ni ta chu, mi dang dingin lampuiah i ngîr ti ka hriet si naw a; chuleiin, i lâwm naw chun kîr nâwk el ka tih,” a ta.

JAKOB 4:5

Annawleh, “Thlarau einia ân chêngtir chun, thîk khawp hielin a mi dit a nih,” ti hi, Pathien Lekha Thuin iengkhawm ni lovin a hrilin in ring am a nih?

1 SAMUEL 13:14

Nisienlakhawm, tuhin în lalna chu tâwp tâng a tih; Lalpain thu a pêk che i zâwm naw leiin Lalpa chun ama lungril ang put mi a zawng a, mihai chunga hotu ni dingin Lalpain a ruot tah a nih,” a ta.

1 SAMUEL 15:28

Chun, Samuel chun a kuomah, “Vawisûna inthawk hin Lalpa chun Israel ram hi a lâkpêk ta che a, i nêka ṭha lem i tuolbâwm a pêk tah a nih.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.

1 SAMUEL 18:9

Chuongchun, chu nia inthawk chun Saula chun David chu a hmusiet ta a.

1 SAMUEL 19:1

Chuongchun, Saula chun a naupa Jonathan le a siehlawhai po po chu David chu that dingin a hril a.

1 SAMUEL 20:31

Jesai naupa hi, hi hnuoia a um sûng phawt chun sukdet ni naw ti ni a, i ram khawm. Chuleiin, inkotir nghâl la, ka kuomah hung inṭhuoitir rawh, a thi ngei ding a nih,” a ta.