1 SAMUEL 18:6 - Pathien Lekhabu Inthieng (BSI)

⁶ Chun, an hung inlawi a, Philistin mi thata David a hung kîr chun Israel khaw tinah, nuhmeihai hla sak le lâm pumin khuongtê le thil inri theihai leh, hlimtakin lal Saula tuok dingin an hung suok a.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Gath-a chun hril naw unla, Askelon kawtthlêrahai chun puong bawk naw ro; Chuong naw chun Philistin naunuhai lâwm an ta, Sertan lo naunuhai hlimin khêk pal rawi an tih.

2 SAMUEL 6:5

Chun, David le Israel mi po pohai chun Lalpa hmaah thil inri thei chi hran hran fâr thinga siem le, ṭingṭanghai dâm, perkhuonghai dâm, khuongtêhai dâm, tawtawrâwt bi neihai dâm, dârbenthekhai dâm an sut a.

INPÂKNA HLABU 149:3

A hming chu lâmin inpâk hai sienla, Khuongtê le ṭingṭang leh ama inpâkin hla sak raw hai se.

INPÂKNA HLABU 68:11

Lalpain thu chu a pêk hlak a, Chanchin hriltu nuhmeihai chu pâwl lientak an nih.

INPÂKNA HLABU 68:25

Nunghâk khuongtê benhai laia chun, Hlasaktuhai an fe hmasa a, iengkhat mûttuhai chun an zui a.

FESUOKNA 15:20

Chun zâwlneinu Miriam, Aron farnu chun khuongtê a lâk a, nuhmei po po chun khuongtêhai le lâmin an zui a.

FESUOKNA 15:21

Miriam chun, “Ropuitaka a hne ta leiin Lalpa kuoma chun hla sak ro; Sakawr le a chunga chuong chu tuipuiah a pei lût a,” tiin a dawn a.

ISAI 30:32

Ama chu hmawl ruotsaa Lalpain a vuok po leh khuongtêhai le ṭingṭanghai leh vuong a ta; a hmawl inleta inthawnahai chun anni chu thâwng a tih.

RORELTUHAI 11:34

Chun, Jeptha chu a umna khuo Mizpa chu a tlung ta a; chun, ngai ta, a naunu chun khuongtehai leh lâmin ama a lo tuok a, a nau nei sun a na, ama naw chu naunuhmei le naupasal dang hrim a nei nawh.

1 SAMUEL 18:5

Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.