1 SAMUEL 18:5 - Pathien Lekhabu Inthieng (BSI)

⁵ Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.

1 SAMUEL 18:5 ပူးပေါင်းရင်းမြစ်များ

INṬANNA 39:23

Lalpa chu Josef kuomah a um a, a thilthaw taphawt Lalpa chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta naw a.

2 SAMUEL 5:10

Chuongchun, David chu a hung ropui ta deu deu a, Lalpa, sipaihai Pathien chu a kuoma a um pei leiin.

2 SAMUEL 5:2

Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.

2 CHANCHIN SUINA 17:3

Chun, Lalpa chu Jehosaphat kuoma chun a um a, a thlatu David lampui hmasahai chu a hraw lei le Baal chu zawng lova,

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 101:2

Kawng ṭha famkima chun vartakin um ka ta, Aw iengtik âm ka kuomah hung i ta? Ka in sûngah lungril ṭha famkim putin um ka tih.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

EPHESI 5:17

Chuleichun, invêt nuom naw unla, Lalpa ditzâwng ieng am a na ti lo hre lem ro.

KOLOSSA 4:5

Remchângna inchaw peiin puotienga mihai lai chun vartakin um ro.

RORELTUHAI 1:19

Lalpa chu Juda kuoma chun a um a; chuongchun tlâng rama umhai chu a hnawt hmang vawng a, phaizâwla umhai ruok chu thîr tawlailîrhai an nei leiin a hnawt suok thei nawh.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 14:52

Chuongchun, Saula dam sûng po po chun Philistin mihai le hin nasatakin an indo hlak a; chun, Saula chun mi hrât amanih, mi huoi amanih a hmu taphawt chu a lâk pei hlak a nih.

1 SAMUEL 18:16

Nisienlakhawm, Israelhai le Judahai po po chun David chu an ngaina êm êm a, anni laia lûta suok hlak a ni si a.

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 18:4

Chun, Jonathan chun a puon sil lai a hlîp a, David chu a pêk a, a thuom le a kâwlhnâm le a thalngul le a kâwng khitna chenin a pêk a.

1 SAMUEL 18:6

Chun, an hung inlawi a, Philistin mi thata David a hung kîr chun Israel khaw tinah, nuhmeihai hla sak le lâm pumin khuongtê le thil inri theihai leh, hlimtakin lal Saula tuok dingin an hung suok a.

1 SAMUEL 3:19

Chun, Samuel chu a hung inṭhanglien deu deu a, a kuomah Lalpa a um pei a; a thu hrim hrim chu leihnuoiah ân luonghmangtir el naw a.