1 SAMUEL 18:30 - Pathien Lekhabu Inthieng (BSI)

³⁰ Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Chun, kum dâm a hung invawi a, lalhai indo dinga an suok hlak lai chun, Davidin Joab chu a tir a, a mihai le Israel mihai po po leh; chun, Ammon mihai chu an sukbohmang a, Rabba khuo an inhuol a, David ruok chu Jerusalemah a um a.

2 SAMUEL 7:9

chun, i fena taphawtah i kuomah ka um pei a, i hmaa chun i hmêlmahai ka sukbo pei a, hnuoia mi ropuitakhai hming ang hming ropuitak siempêk ka ti che.

2 LALHAI 1:13

Chun, sipai sâwmnga pâwl hotu le a rawihai sâwmnga ma a tir nâwk a. Chun, sâwmnga pâwl hotu pathumna chu a hang fe a, a hung a, Elija hmaa dingṭhaṭhuonin, a ngên a, a kuomah, “Aw Pathien mi, ka ngên che hi, keia hringna le hi i siehlaw sâwmngahai hringna hi i mithmua chun hlutak ni raw se;

INPÂKNA HLABU 116:15

A mi inthienghai thina chu, Lalpa ngai chun hlutak a nih.

INPÂKNA HLABU 119:99

A mîn chûktirtuhai po po nêkin varna ka nei lem a nih, I thuinhriettirhai hi ka ngaituo a ni hlak leiin.

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

DANIEL 1:20

Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisânthiemhai le mitvaidawi thiemhai po po nêka le sâwma var lemin anni chu a hriet a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

EPHESI 5:15

Chuongchun, mi varnawhai anga um lovin, mi varhai anga um lemin, in um dânah fîmkhur ro.

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

1 PETER 2:7

Chuongchun, nangni a awihai ta ding chun hlutak a nih, a awi nawhai ta ding ruok chun, “In bâwltuhaiin lung an dit naw kha, Chu ngei chu a kia lung ṭangkai tak a lo ni tah,

1 SAMUEL 18:29

Chuongchun, Saula chun David chu a ṭi zuol ta sau a, Saula chu David hmêlma a ni kumkhuo el ta a.

1 SAMUEL 18:5

Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.

1 SAMUEL 19:8

Chun, indona a hung um nâwk a, chuongchun, David chu ân thawk suok a, Philistin mihai chu a va thaw a, a va that ṭeu a, a hmaa chun an tlânse a.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.

1 SAMUEL 26:24

Ngai ta, vawisûna i hringna ka ngaihlutpêk che ang bawk hin Lalpa chun ka hringna hi mi ngaihlupêk sienla, lunginzîngna po poa inthawk hin mi sansuok raw se,” a ta.