1 SAMUEL 18:23 - Pathien Lekhabu Inthieng (BSI)

²³ Chun, Saula siehlawhai chun chuong thuhai chu David na hrieta chun an hril a. David chun, “Mi pasie le tukhawm ingaisâng naw keia ta ding hin lal mâkpa hang ni chu thil namênah in ngai am a nih?” a ta.

1 SAMUEL 18:23 ပူးပေါင်းရင်းမြစ်များ

INṬANNA 29:20

Jakob chun Rakil nei ding chun kum sari chu rawng a bâwl ta a, nisienlakhawm, Rakil chu a hmangai êm leiin ni sâwt nawte ang chauin a hriet a.

INṬANNA 34:12

Man le thilpêk chu iengzat khawm ngên unla, in ti ang peiin pêng ka ti cheu: iengkhawm ni sienla, nunghâk chu nuhmeiin mîn neitir phawt el ro,” a ti a.

INPÂKNA HLABU 119:141

Mi chîn mi hmusit ka na, Nisienlakhawm, i thununna thuhai chu ka theinghil ngai nawh.

THUVARHAI 14:20

Mi pasie chu a tuolbâwmhai ngei khawma theida a ni hlak a, Mi hausa ruok chun ruolhai tamtak a nei.

THUVARHAI 29:5

Mi a tuolbâwm inpâkdertu chun, A kalchawihai ta dingin lên a pha a nih.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 SAMUEL 18:18

Chun, David chun Saula kuomah, “Tu am ka na, ka hringna le Israelhai lai ka pa sûnghai chu ieng am an na, lal mâkpa ka hang nina san ding chu?” a ta.

1 SAMUEL 18:22

Chuongchun, Saula chun a siehlawhai chu thu a pêk a, “Inrûk takin David be unla, ‘Ngai ta, lal chu i chungah a lâwm hle el a, a siehlawhai po po khawma an hmangai che a nih; chuongchun, lal mâkpaa hin um el rawh,’ ti ro,” a ta.

1 SAMUEL 18:24

Chun, Saula siehlawhai chun, “David chun chuong ang chun a ti a nih,” tiin an hril a.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.