1 SAMUEL 18:21 - Pathien Lekhabu Inthieng (BSI)

²¹ Chun, Saula chun, “A âwkna châng a hung ni theina dingin le Philistin mihaiin a chunga kut an thlâk theina dingin ama hi pêng ka tih,” a ta. Chuleiin, Saula chun David kuoma a vawi hninaah chun, “Vawisûn hin ka mâkpa ning i tih,” a ta.

1 SAMUEL 18:21 ပူးပေါင်းရင်းမြစ်များ

INPÂKNA HLABU 38:12

Ka hringna sukbo tuma zawngtuhai chun an mi âwkna dingin chânghai an kam hlak a, Ka sietna ding zawngtuhai khawm chun thu ṭha nawtakhai an hril a, Sûnnithlâkin hlêmna thuhai an ngaituo hlak.

FESUOKNA 10:7

Chun, Pharao siehlawhai chun a kuomah, “Hi mipa hi ei ta dingin ieng chen am châng a ni ding a ni leh? An Pathien Lalpa chu a rawng an bâwlpêk theina dingin mihai chu infetir ta la: Aigupta hi suksiet vawng a ni tah ti hi i la hriet naw rawp am a nih?” an ti a.

THUVARHAI 29:5

Mi a tuolbâwm inpâkdertu chun, A kalchawihai ta dingin lên a pha a nih.

JEREMIA 5:26

Ka mihai laia chun mi rilohai hmu a na; anni chun vate mantuhaiin an inchân angin an inchân a; châng an kam a, mihai chu an man a.

JEREMIA 9:8

An lei chu thi theina thal a na; thukhêl a hril a, mi pakhatin a tuolbâwm kuomah a bau chun thlamuongumtakin thu a hril a, nisienlakhawm, a lungril chun ama chu ân chân rûk zing a.

1 SAMUEL 18:17

Chun, Saula chun David kuomah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. Lalpa indonahai chu do rawh,” a ta. Saula chun, “Kei chun chu a chunga hin kutthlâk lovin, Philistin mihaiin thlâk lem raw se,” a ti a nih.

1 SAMUEL 18:22

Chuongchun, Saula chun a siehlawhai chu thu a pêk a, “Inrûk takin David be unla, ‘Ngai ta, lal chu i chungah a lâwm hle el a, a siehlawhai po po khawma an hmangai che a nih; chuongchun, lal mâkpaa hin um el rawh,’ ti ro,” a ta.

1 SAMUEL 18:26

Chun, a siehlawhaiin chuong thu chu David an hang hril chun, lal mâkpa a hang ni ding chu David chu a lâwm hle el a. Chun, ni tiemhai chu a la tling naw a.