1 SAMUEL 18:20 - Pathien Lekhabu Inthieng (BSI)

²⁰ Chun, Saula naunu Mikal chun David chu a hmangai a, Saula chu an hril a, chu chun a suklâwm a.

1 SAMUEL 18:20 ပူးပေါင်းရင်းမြစ်များ

2 SAMUEL 3:13

Chun, ama chun, “Aw le, i kuoma chun thu thlung ka tih, amiruokchu, nangma kuomah thil pakhat ka phût ding a nih, chu chu hi hi a nih; mi hmu dinga i hung phaleh Saula naunu Mikal kha i hung ṭhuoi phawt naw chun ka hmêl hmu thei naw ti nih,” a ta.

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

2 SAMUEL 6:20

Chuongchun, David chu a sûnghai malsâwm dingin a fe ta a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruokin a um kha teh!” a lo ti a.

1 SAMUEL 14:49

Saula naupasalhai chu Jonathan hai, Isvi hai, Malkisua hai an na, chun a naunuhmei pahnihai hming chu hieng hi a nih: a upa lem hming chu Merab a na, a naupang lem hming chu Mikal a nih.

1 SAMUEL 18:28

Chun, Saula chun David kuoma chun Pathien a um a nih ti a hriet chieng ta a: chun, Saula naunu Mikal chun ama chu a hmangai a.