1 SAMUEL 18:18 - Pathien Lekhabu Inthieng (BSI)

¹⁸ Chun, David chun Saula kuomah, “Tu am ka na, ka hringna le Israelhai lai ka pa sûnghai chu ieng am an na, lal mâkpa ka hang nina san ding chu?” a ta.

1 SAMUEL 18:18 ပူးပေါင်းရင်းမြစ်များ

2 SAMUEL 7:18

Chuongchun, lal David chu a lût a, Lalpa hmaa chun a ṭhung a, “Aw Lalpa PATHIEN, tu am ka na, ka sûnghai tu am an na, hi chen chen hi i mi ṭhuoi?

1 LALHAI 4:15

Naphtali ramah Ahimaz a na; ama khawm chun Solomon naunu Basemath chu nuhmeiah a nei a;

FESUOKNA 3:11

Mosie ruok chun Pathien kuomah, “Tu am ka ni a, Pharao kuoma ka fe a, Israel mihai Aiguptaa inthawk ka hung ṭhuoi suok el ding chu?” a ti a.

THUVARHAI 15:33

Lalpa ṭîna chu varna inchûktirna a nih; Chun, inzakaina hmaa chun inngaitlâwmna a fezie.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

JEREMIA 1:6

Chun, kei chun, “E, Lalpa PATHIEN, ngai ta, thu ka hril thei le; naupang el ka ni si a,” ka ti a.

RUTH 2:10

Chun, ama chu a kûn a, hnuoi sikin a bawkkhup a, a kuomah, “Hnam dang ka ni si a, hienga i mi lo hriet nuoma i mi lo lunginsiet hi iengtizie am a ni leh?” a ti a.

1 SAMUEL 18:23

Chun, Saula siehlawhai chun chuong thuhai chu David na hrieta chun an hril a. David chun, “Mi pasie le tukhawm ingaisâng naw keia ta ding hin lal mâkpa hang ni chu thil namênah in ngai am a nih?” a ta.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.