1 SAMUEL 18:17 - Pathien Lekhabu Inthieng (BSI)

¹⁷ Chun, Saula chun David kuomah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. Lalpa indonahai chu do rawh,” a ta. Saula chun, “Kei chun chu a chunga hin kutthlâk lovin, Philistin mihaiin thlâk lem raw se,” a ti a nih.

1 SAMUEL 18:17 ပူးပေါင်းရင်းမြစ်များ

2 SAMUEL 11:15

Chun, lekhaa chun, “Uria chu râl zuolna laitaka inhmatâwngtir unla, an thata a thi hlauna dingin thlathlam ro,” tiin a ziek a.

2 SAMUEL 12:9

Iengtiziea Lalpa thu chu ngainêpa, a mithmua thil ṭha naw i thaw el am a ni leh? Hit mi Uria chu kâwlhnâmin i sukhlum a, a nuhmei chu i nuhmei dingin i neipêk a, Ammon mihai kâwlhnâmin i that a.

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak si a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni si a; A thuhai chu hriek nêkin ân nâl a, Nisienlakhawm, kawlhnâm phawisahai a ni si a.

THUVARHAI 26:24

Theidatu chun a hmûrhai chun ân tlip a, Amiruokchu, ama sûnga chun hmusitna a siekhâwl.

THUVARHAI 26:25

Thu a hril ṭha hle khawm a, ama chu ring naw la, A lungrila chun tirdakumna pasari a um si a.

THUVARHAI 26:26

A theidana chu ama le ama vervêknain inkhum sien khawm, A suolna chu mipui hmaa phuongphotaka inentir nîng a tih.

NAMBAR 21:14

Chuleiin, “Lalpa Indona Lekhabua” chun hieng ang hin a hril a; “Suphah-a Vaheb khuo, Amon ruomhai,

NAMBAR 32:20

Chun, Mosiein an kuomah, “Chuong anga in thaw a, indonaa Lalpa hmaa fe dinga in inrâlthuom a, a hmaa inthawka a hmêlma hai a hnawt suok a,

NAMBAR 32:27

amiruokchu, i siehlaw, indo dinga inrâlthuomhai po po chu kan pu hril ang chun Lalpa hmaah va kai kan tih,” an ta, an hril a.

NAMBAR 32:29

Chun, Mosie chun an kuomah, “Gad thlahai le Reuben thlahai indo dinga inrâlthuomhai po po hin Lalpa hmaa Jordan vadung an kaipui cheu a, ram chu in inhmin chun Gilead ram chu an hluo dingin in pêk ding a nih;

DÂN PAHNINA 17:7

Sukhlumna dinga chun hretuhai chun kut thlâk hmasâng an ta, chu hnungah mipui po poin. Chuong ang chun nangni laia inthawkin thil ṭha naw chu in sukbo ding a nih.

1 SAMUEL 14:49

Saula naupasalhai chu Jonathan hai, Isvi hai, Malkisua hai an na, chun a naunuhmei pahnihai hming chu hieng hi a nih: a upa lem hming chu Merab a na, a naupang lem hming chu Mikal a nih.

1 SAMUEL 17:25

Chun, Israel mihai chun, “Kha mihriem a hung suokpa kha in hmu am? Israel mihai cho dinga hung suok a ni ngei el; tukhawm ama sukhlum taphawt chu lalin ama chu sum tiengin sukhausâng a ta; chun, a naunu pêng a ta, chun, a pa sûngkuohai chu Israelhai lai hin zalênin inumtir a tih,” an ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.

1 SAMUEL 17:47

chun, hitaka pungkhâwmhai po po hin Lalpa chun kâwlhnâm le feiin a sandam nawh ti hre thei an tih; indona chu Lalpa indona a ni sih a, ama chun kan kuta hin nangni hi a mi pêk ding a nih,” a ta.

1 SAMUEL 18:21

Chun, Saula chun, “A âwkna châng a hung ni theina dingin le Philistin mihaiin a chunga kut an thlâk theina dingin ama hi pêng ka tih,” a ta. Chuleiin, Saula chun David kuoma a vawi hninaah chun, “Vawisûn hin ka mâkpa ning i tih,” a ta.

1 SAMUEL 18:25

Chun, Saula chun, “David kuoma chun hieng ang hin ti ro khai, ‘Lal chun lal hmêlma phubalâkna dingin Philistin mihai servun za ti naw chu man ieng dang khawm a dit nawh,’ tiin,” a ta. Saula chun David chu Philistin mihai kuta inthitir a lungril tlat a.

1 SAMUEL 18:27

David le a mihai chu an tho a, Philistin mi za hni an va that a: David chun an ser vun chu a hung phur a, chuongchun, lal mâkpa a ni theina dingin lal chu kimtakin an pêk a. Chuongchun, Saula chun a naunu Mikal chu nuhmeiah ân neitir ta a.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.

1 SAMUEL 30:26

Chun, Davidin Ziklag khuo a tlung chun, râllâk ṭhenkhat chu, “Hi hi Lalpa hmêlmahaia inthawka râllâk, lâwmman dingin kân phur cheu,” tiin,