1 SAMUEL 17:8 - Pathien Lekhabu Inthieng (BSI)

⁸ Chun, a ngîr a, Israelhai sipaihai chu a ko a, an kuomah, “Iengdinga indo dinga in hung inzar dar am a na? Kei Philistin mi, nangni Saula siehlawhai in nih a ni naw am a nih? Mi inthlang unla, ka kuomah hung thla raw se.

1 SAMUEL 17:8 ပူးပေါင်းရင်းမြစ်များ

2 SAMUEL 11:11

Uria chun David kuomah, “Pathien bâwm le Israelhai le Judahai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

1 CHANCHIN SUINA 21:3

Joab chun, “Lalpa chun a mihai chu an ni hlak zât let za khawma sukpung sienla, ka pu lal, ka pu siehlawhai an ni vawng tho a ni naw am a nih? Iengdingin am ka pu hin hieng ang thil hi a hriet nuom a ni leh? Israel ta dingin iengdingin am rîtlona bul hung ni el a ta?” a ta.

1 SAMUEL 17:23

Chun, anni a biek lai chun, ngai ta, an mi hrât Gath khuoa Philistin mi a hming Goliath chu Philistin mihai sipai pâwl laia chu a hung suok a, a thuhril ngai bawk kha a hung hril a, chu chu David chun a lo hriet zing a.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 8:17

In berâm ruol laia mi chu sâwma pakhat lâkpêk a ti cheu a; chun, ama siehlawhai nîng in tih.