1 SAMUEL 17:50 - Pathien Lekhabu Inthieng (BSI)

⁵⁰ Chuongchun, David chun Philistin mi chu vailungdêng le lungin a ngam a, Philistin mi chu a dêng a, a that ta a; David chun kâwlhnâm a chawi dêr naw a.

1 SAMUEL 17:50 ပူးပေါင်းရင်းမြစ်များ

RORELTUHAI 15:15

Chun, sabengtung khâkru a tharlâm deu hi a hmu a, a hei ban a, a lâk a, chu chun mi sâng khat a vuok hlum a.

RORELTUHAI 3:31

Chun, ama hnunga chun Anath naupa Samgar a hung inlang ve a, ama chun Philistin mi, mi za ruk sebâwng sunna hmawlin a sun hlum a; ama bawk chun Israelhai chu a sansuok a nih.

1 SAMUEL 13:22

Chuongchun, an indo ni chun Saula le Jonathan kuoma mi umhai chun kâwlhnâm amanih, fei amanih nei hrim hrim an um dêr naw a; Saula le a naupa Jonathan ruok chun an nei a.

1 SAMUEL 17:39

Chun, David chun thuom chunga chun a kâwlhnâm a pai a, fe a hang tum a, chuong ang chun a la thaw sin ngai si naw a. Chun, David chun Saula kuomah, “Ka fepui thei dêr âwm naw a, hieng ang hin ka la thaw sin ngai nawa a nih,” a ta. Chuongchun, David chu ân hlîp ta a.

1 SAMUEL 17:49

Chun, David chun a mansa chu a hang pur a, lung a keidawk a, a vailungdêng chun a hei dêng a, Philistin mi chu a bâwk taka chun a hei dêng a, a bâwka chun lung chu a lût a, a tlu bawkkhup ta dêr el a.

1 SAMUEL 17:51

Chuongchun, David chu a tlân a, Philistin mi kâwla chun a va ngîr a, a kâwlhnâm chu a lâk a, a bâwma inthawk chu a phawi a, chu chun a that a, a lu a tan ta a. Chun, Philistin mihai chun an mi hrât chu a thi ti an hriet chun an tlânse ta a.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.

1 SAMUEL 21:9

Chun, thiempu chun, “Philistin mi Goliath, Ela ruoma i thatpa kâwlhnâm chu ngai ta, thiempu zakawsîng hliea sawn puona tuomin a um zing el, chu chu i lâk nuom chun la rawh; chu chau naw chu a dang a um nawh,” a ta. David chun, “Chu bâk chu ie, mi pe raw khai,” a ta.

1 SAMUEL 23:21

Chun, Saula chun, “Lalpa chun malsâwm raw se cheu; nangni chun chu in mi lunginsiet hle a ni hi.