1 SAMUEL 17:44 - Pathien Lekhabu Inthieng (BSI)

⁴⁴ Philistin mi chun David kuomah, “Hung ta, i sahai kha ramsahai le chunglêng vatehai lo infâktir ka tih,” a ta.

1 SAMUEL 17:44 ပူးပေါင်းရင်းမြစ်များ

2 SAMUEL 21:10

Chun, Aia naunu Rizpa chun saiip puon a lâk a, bu sîk ṭantira inthawka vâna inthawka tuiin a hung burkhum chena a umna dingin, lungpui chungah ân zar khum a; an chunga sûna chunglêng vatehai fûk le ramsahai um khawm a phal naw a.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

JEREMIA 34:20

anni khawm chu an hringna zawngtuhai le, an hmêlmahai kuta chun pêng ka tih; chuongchun, an taksa thihai khawm chu hnuoia ramsahai le chunglêng vatehai ta dinga bu nîng a tih.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

THUPUONGSUO 19:17

Chun, nisaa khin vântirko ngîr ka hmu a; ama chun vânlaizâwla vate vuong po pohai kuoma chun rawl inringtaka khêkin, “Pathien ruoi ropuitak ṭhenaa chun hung inkhâwm ro,

1 SAMUEL 14:12

Chun, râl vêngtu sipaihai umnaa mihai chun Jonathan le a râlthuom chawitu chu, “Hung unla, thil ieng amanih lo inentir kan ti cheu,” tiin an lo ko a. Chun, Jonathan chun a râlthuom chawitu kuoma chun, “Mi hung zui raw khai, Lalpa chun anni chu Israelhai kutah a pêk tah a nih,” a ta.

1 SAMUEL 17:46

Vawisûn hin Lalpain nang hi ka kutah a mi pêk ding a nih, chun, that ka ti che a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;