1 SAMUEL 17:43 - Pathien Lekhabu Inthieng (BSI)

⁴³ Chun, Philistin mi chun David kuoma chun, “Ui am ka nia hmawl le dâm i mi hung pan chu le?” a ta. Chuongchun, Philistin mi chun a pathienhai sâlin David chu ṭawngsie ân phur ta a.

1 SAMUEL 17:43 ပူးပေါင်းရင်းမြစ်များ

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

2 SAMUEL 16:5

Chun, lal Davidin Bahurim a tlung chun, ngai ta, Saula sûnghai laia mi Gera naupa a hming Simei a hung suok a, ṭawngsie inphur pum peiin a hung suok a.

2 SAMUEL 16:9

Chuongchun, Zeruia naupa Abisai chun lal kuomah, “Iengdinga hi ui thitlaw hin ka lalpa lal chu ṭawngsie ân phur mei mei am a ni a? a lu va tan el ka ti aw?” a ta.

2 SAMUEL 3:8

Chuongchun, Isboseth thuhril chun Abner chu a suklungsen ta êm êm el a, “Judahai ui lu el am ka nih? Vawisûn chen hin i pa Saula sûnghai le a unauhai le a ruolhai chungah zainêmna ka suklang a, David kutah kân hlân naw che a, nisienlakhawm, nangin hi nuhmei chunga hin suolah i mîn tum el a.

2 SAMUEL 9:8

Chun, chibai a bûk a, “Kei, ui thitlaw ang el, i siehlaw hi ieng am a nia i ngaisak a ni leh?” a ta.

1 LALHAI 20:10

Chun, Benhadad chun a kuomah mi a tir nâwk a, “Ka hnungzuituhai po po hin Samari khaw pilvut veikhat chau khawm an changkim thei ding chun pathienhaiin an law law mi law hai sienla, chu nêka nasa khawm a,” a ta.

2 LALHAI 8:13

Chun, Hazael chun, “Kei i siehlaw ui mei mei hin chuong ang thil nasatak chu hang thaw thei zie am ka nih?” a ta. Chun, Elisa chun a dawn a, “Suria mihai chunga hin i lân lal ding a nih ti Lalpain a mîn hriettir a nih,” a ta.

THUVARHAI 26:2

Chawngzawng ân vâk ân vâk ang le, peleu a vuong lai angin, A san boa ṭawngse inphurna chu a fu ngai nawh.

NAMBAR 22:6

lunginsiettakin hung la, hieng mihai hi ṭawngsie mi vân phur pêk ta khai; keia ta ding chun an hrât taluo a nih, kan that theiin, kan hne theiin, kan rama inthawk hi kan hnawt suok thei khiet rawi mawh; mal i sâwm taphawthai chu malsâwmin an um a; ṭawngsie în phur taphawthai chu ṭawngsephurin an um ti ka hriet si a,” tiin a vân ko tir a.

RORELTUHAI 9:27

Chuongchun, lo tieng an fe a, an grêphai chu an lo a, an chîl a, ruoi an ṭhe a, an pathien inah an lût a, an fâkin an dâwn a, Abimelek chu an deusaw a.

1 SAMUEL 14:12

Chun, râl vêngtu sipaihai umnaa mihai chun Jonathan le a râlthuom chawitu chu, “Hung unla, thil ieng amanih lo inentir kan ti cheu,” tiin an lo ko a. Chun, Jonathan chun a râlthuom chawitu kuoma chun, “Mi hung zui raw khai, Lalpa chun anni chu Israelhai kutah a pêk tah a nih,” a ta.

1 SAMUEL 24:14

Israel lal hi tu zawnga hung suok am a na? Tu am a na i hnawt? Ui pûl thi, uihrik el.

1 SAMUEL 24:15

Chuleiin, Lalpa chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.