1 SAMUEL 17:32 - Pathien Lekhabu Inthieng (BSI)

³² Chun, David chun Saula kuomah, “Ama lei chun tu lungril khawm ṭi naw raw se; i siehlaw hin chu Philistin mi chu va thâwng ka tih,” a ta.

1 SAMUEL 17:32 ပူးပေါင်းရင်းမြစ်များ

INPÂKNA HLABU 3:6

Mi sîng khat khawm hi ṭi naw ning, Kei mi hung doa, mi hung inhuol vêltuhai hi.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

NAMBAR 13:30

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

HEBRAIHAI 12:12

Chuongchun, kut kaithlahai chu dawm kâng unla, khûp zawihai chu sukhrât ro;

JOSUA 14:12

Chuongchun, hi tlâng Lalpain kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, Lalpa chun mi umpuiin, anni chu ka hnawt suok thei rawi mawh, Lalpain a lo hril ta ang khan,” a ta.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 17:31

Chun, David thuhril chu an hrietin Saula kuomah an hrilsâwng a; chun, ama chun a ko a.