1 SAMUEL 17:28 - Pathien Lekhabu Inthieng (BSI)

²⁸ Chun, a u, a upa tak Eliab chun mihai kuoma a thu hril lai chu a lo hriet a: chuongchun, Eliab chu David chunga chun a lunginsen ta thut a, “Iengdinga i hung thla ve am a na? Thlalêra berâm tlâwmte um kha tu am în vêngtir leh? I chapozie le i lungril ṭhat nawzie ka hriet a nih: indo dâm en dingin i hung vei rawk a,” a ta.

1 SAMUEL 17:28 ပူးပေါင်းရင်းမြစ်များ

INṬANNA 37:11

Chun, a uhai chun ama chu an îtthîk a, a pa ruok chun a thuhril chu lungrilin a vawn zing a.

INṬANNA 37:4

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hle a, ṭawngbau ṭha hrim a chungah an rawl thei ta naw a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an ti a. Chuongchun, a mang lei le a thuhril lei chun ama chu an theida nâwk zuol det a.

2 CHANCHIN SUINA 11:18

Chun, Rehoboam chun David naupa Jerimoth le Jesai naupa Eliab naunu Abihail naunu Mahalath chu nuhmeiah a nei a;

INPÂKNA HLABU 35:11

Hretu fel nawtakhai an hung tho a, Ka thil hriet dêr naw thua dâm an mi suosal a.

THUVARHAI 18:19

Unaupa suklungawilova um chu khawpui dettak nêkin hne ân tak lem, Chuong inhalnahai chu kula thîrtluonhai ang a nih.

THUVARHAI 27:4

Lunginsenna hi a suol a, lungawi nawna hi a phulliem a; Amiruokchu, tu am îtthîkna hmaa chun ngîr thei a ta?

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

MATTHAI 10:36

Mi a hmêlmahai chu ama sûnghai laia mi ngei nîng an tih.

MATTHAI 27:18

Thîkna leiin ama chu an inmantir ti a hriet si a.

MARKA 3:21

Chun, a sûnghai chun chu chu an hriet a, “ân vêt a ni chu tie,” tiin, ama man tumin an inthawk a.

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga piengpui hrietna an neihai chun an insuksiet hlak.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.

1 SAMUEL 17:29

Chun, David chun, “Ieng am ka thaw ta leh? A san a um a ni naw am a nih?” a ta.