1 SAMUEL 17:20 - Pathien Lekhabu Inthieng (BSI)

²⁰ Chun, David chu zîngkâr a tho a, berâmhai chu vêngtu pakhat ân kawltir a, Jesaiin thu a pêk ang chun a chawi a, a fe ta a; chun, indona hmuna suok mêk sipaihai chu inthaw dinga an lo khêk dur dur lai takin ama chu tawlailîr umna hmun chu a va tlung a.

1 SAMUEL 17:20 ပူးပေါင်းရင်းမြစ်များ

LUKA 19:43

Hieng ang nihai hi i chungah a la tlung ding a ni si a; i râlhaiin i vêlin hnuoi kul siem an ta, inhuol an ti che a;

JOSUA 3:1

Josua chu zîngkâr inhmatakin a tho a, Shittima inthawk chun an insawn a, Jordan an va tlung a, ama le Israel mihai po po le chun; an kai hmain chutaka chun an riek a.

1 SAMUEL 15:12

Chun, Samuel chu Saula tuok dingin zîngkâr chun a tho a, chun, “Saula chu Karmelah a fe a, ngai ta, chutaka chun hriet zingna lung a phun a; chun, a kir nâwk a, a fe pei a, Gilgala chun a zu fe tah,” tiin Samuel chu an hril a.

1 SAMUEL 17:19

Saula le anni le Israel mi po po chu Philistin mihai doin Ela ruoma chun tûn an um a nih,” a ta.

1 SAMUEL 17:21

Chun, Israel mihai le Philistin mihai chu indo ding chun an lo inzar a, sipai le sipai chu an lo inep a.

1 SAMUEL 17:28

Chun, a u, a upa tak Eliab chun mihai kuoma a thu hril lai chu a lo hriet a: chuongchun, Eliab chu David chunga chun a lunginsen ta thut a, “Iengdinga i hung thla ve am a na? Thlalêra berâm tlâwmte um kha tu am în vêngtir leh? I chapozie le i lungril ṭhat nawzie ka hriet a nih: indo dâm en dingin i hung vei rawk a,” a ta.

1 SAMUEL 26:5

Chuongchun, David chu a tho a, Saula ṭhanghmun khuornaa chun a fe a, chun David chun Saula le a sipai hotu Abner, Nera naupa zâlna chu a hmu a; Saula chu tawlailîr huol sûnga chun a zâl a, a vêlin mihai chun umhmun an rem a.

1 SAMUEL 26:7

Chuongchun, David le Abisai chu mipuihai umnaah zâna chun an zu fe a; chun, ngai ta, Saula chu tawlailîr huol sûnga chun a lo zâl a, a lu tieng chun a fei chu hnuoia hin a sunbûr a; chun, Abner le mihai chu a vêla chun an zâl a.