1 SAMUEL 17:11 - Pathien Lekhabu Inthieng (BSI)

¹¹ Chun, Saula le Israelhai po poin chu Philistin mi thuhril an hriet chun an ṭi a, an thlaphâng ta hle a.

1 SAMUEL 17:11 ပူးပေါင်းရင်းမြစ်များ

INPÂKNA HLABU 118:6

Lalpa chu keia tienga ṭhang a nih, ṭi naw ning: Mihriemin ieng am mi law thei an ta?

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

DÂN PAHNINA 31:8

I hmaṭhuoitu chu Lalpa nîng a ta, i kuomah um pei a tih, inhlâwsamtir naw ni che a, mâk khawm mâksan naw tawp a ti che; ṭi naw la, zâm bawk naw rawh,” a ti a.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

1 SAMUEL 13:7

Hebrai mi ṭhenkhat chu Jordan râla Gad le Gilead rama dâm an tlân a; Saula ruok chu Gilgala chun a la um zing a, mipuihai chun inthin dawr dawr pumin an zui a.

1 SAMUEL 17:10

Chun, Philistin mi chun, “Vawisûn hin chu Israelhai sipaihai chu ka cho a nih, mi pakhat hung thaw unla, lo inthâwng kan tih,” a ta.

1 SAMUEL 17:12

Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni ta a, tarsiea ngai a ni tah.

1 SAMUEL 21:13

Chuongchun, a hmaa chun a um dân a sukdanglam a, an mithmua chun invêt tehlêm a thaw ta rak el a, kawtkhâr dâm chu a kei rak rak a, a khâkhmula dâm chun a chil a sukluong ta neng nung a.

1 SAMUEL 7:7

Chun, Philistin mihai chun Israel mihai Mizpaah an um khâwm ti an hriet chun Israel mihai do dingin Philistin lalhai chu an hang inthawk a. Chu chu Israel mihaiin an lo hriet chun Philistin mihai chu an lo ṭi a.