1 SAMUEL 16:13 - Pathien Lekhabu Inthieng (BSI)

¹³ Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Chuongchun, Nathan chun David kuomah, “Chu mi chu nang hi i nih, Lalpa, Israelhai Pathien chun hieng ang hin a tih, Israelhai lal ni dingin hriek ka nâl che a, Saula kuta inthawkin ka sansuok che a;

2 SAMUEL 2:4

Chun, Juda rama mihai an va fe a, Juda mihai chunga lal dingin David chu hriek an nâl ta a. Chun, “Saula phûmtuhai chu Jabes-gilead mihai an nih,” tiin David chu an hril a.

2 SAMUEL 23:1

Hieng hi David thuhril nuhnung tak a nih, Jesai naupa David chun a hril a; “Insângtaka dawm sânga, Jakob Pathien hrieknâl, Israelhai hla mawitak phuoktu chun a hril a;

2 SAMUEL 5:3

Chuongchun, Israel upahai po po chu Hebrona chun lal kuomah an va fe a; chun, lal David chun Hebrona chun Lalpa hmaah an kuomah thu a thlung a, chun, David chu Israelhai chunga lal dingin hriek an nâl a.

2 LALHAI 9:6

Chun, a tho a, ina chun a lût a; chun, a lua chun hriek chu a buok a, a kuomah, “Lalpa, Israelhai Pathien chun hieng ang hin a tih, ‘Lalpa mipuihai, Israelhai chunga lal dingin hriek ka nâl che.

1 CHANCHIN SUINA 11:3

Chuongchun, Israel upahai po po chu Hebronah lal kuoma chun an hung a, David chun Lalpa hmaah Hebrona chun anni le chun thuthlung a siem ta a; Samuel kuta Lalpa thu ang peiin David chu Israel lal ni dingin hriek an nâl ta a.

INPÂKNA HLABU 89:20

Ka siehlaw David chu ka hmusuok a, Ka hriek inthieng chun ama chu ka nâl ta a.

INPÂKNA HLABU 89:21

Ka kut hi a kuomah sukdetin um a ta, Ka bân hin ama chu sukhrât a tih.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur lovin, mipuihai rikphur chu phurpui an ti che.

NAMBAR 27:18

Chun, Lalpain Mosie kuomah, “Nun naupa mi lungril neitak Josua chu ṭhuoi la, a chungah i kut innghat la,

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

THILTHAWHAI 13:22

Chun, ama chu a sawn hmang hnung khan an lala um dingin David a siem ta a; Pathienin chu thu chu inhriettirin, ‘David, Jessai naupa, ka lungril ang put mi ka hmu suok tah, ama chun ka dit zâwng taphawt thâwng a tih,’ a ta.

HEBRAIHAI 1:9

Felna chu i ngaina a, Bawsietna chu i theida kha; Chuleiin, Pathien, i Pathien chun, I ruolhai nêk chun, Hlimna hriek a nâl nasa lem che hi,” ti le,

HEBRAIHAI 11:32

Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw ni a.

RORELTUHAI 11:29

Chuongchun, Lalpa thlarau chu Jepthah chungah a hung tlung a, Gilead le Manasse ram a fe thleng a, Gilead rama Mizpa a fe thleng a, chun, Gilead rama Mizpaa inthawk chun Ammon mihai kuomah a fe pei a.

RORELTUHAI 13:25

Chun, Zora le Estaol inkâra Mahane-dana chun Lalpa thlarauin ama chu a khîkhar ṭan ta a.

RORELTUHAI 14:6

Chun, Lalpa thlarau chu a chungah nasatakin a hung tlung a, chuongchun, kêlte kei nâwi takin a kei nawi el ta a, iengkhawm a chawi si naw a; nisienlakhawm, a thil thaw chu a nu le pa chu a hril nawh.

RORELTUHAI 3:10

Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

1 SAMUEL 1:19

Chun, zingkâr an tho a, Lalpa chu an biek a, an fe ta a, Rama khuoa an in chu an tlung nâwk ta a; chun, Elkana chun a nuhmei Hanna chu a pâwl a, chun, Lalpain ama chu a hriet zing a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 10:6

chun, Lalpa thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung ta a, nasatakin a lung chu a sen ta thut a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 18:12

Chun, a kuoma Lalpa a um lei le, Saula chu a fesan leiin Saula chun David chu a ṭi a.

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuokzâwngin thâwng a tih. Chun, sûngkuo dettakah inngîr ka ta, kumkhuoin ka hriek nâl hmaa chun um a tih.