1 SAMUEL 16:1 - Pathien Lekhabu Inthieng (BSI)

¹ Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 16:1 ပူးပေါင်းရင်းမြစ်များ

1 LALHAI 8:16

‘Aigupta rama inthawka ka mi Israelhai ka ṭhuoi suok nia inthawkin Israelhai hnam laia khâwlai khuo khawm hi ka hming umna dinga in bâwlna dingin ka la thlang ngai naw a, amiruokchu, ka mi Israelhai hotu ding chun David hi ka thlang a nih,’ tia lo hriltu ama kut ngeia hung sukpuitlingtu hi inpâkin um raw se.

2 LALHAI 9:1

Chun, zâwlnei Elisa chun zâwlneihai naupasalhai laia pakhat chu a ko a, a kuomah, “I dier kei la, hi hriek bâwm hi chawi la, Ramothgilead khuoah va fe rawh;

2 LALHAI 9:3

Chuongchun, hriek bâwm hi la la, a lua chun buok la, ‘Lalpain hieng ang hin a tih; Israelhai chunga lal dingin hriek ka nâl che, tiin,’ ti rawh. Chuongchun, kawt hawng la, tlân suok el rawh, um sâwt lovin,” a ta.

2 LALHAI 9:6

Chun, a tho a, ina chun a lût a; chun, a lua chun hriek chu a buok a, a kuomah, “Lalpa, Israelhai Pathien chun hieng ang hin a tih, ‘Lalpa mipuihai, Israelhai chunga lal dingin hriek ka nâl che.

1 CHANCHIN SUINA 11:3

Chuongchun, Israel upahai po po chu Hebronah lal kuoma chun an hung a, David chun Lalpa hmaah Hebrona chun anni le chun thuthlung a siem ta a; Samuel kuta Lalpa thu ang peiin David chu Israel lal ni dingin hriek an nâl ta a.

1 CHANCHIN SUINA 28:4

Ngai ta u, Lalpa Israel Pathien chun kumkhuoa Israelhai chunga lala um dingin ka thlatuhai thla laia inthawk chun a mi thlang suok a; ka thlatu sûngkuoah, Juda sûngkuoa chun, Juda chu hotu ni dingin a thlang ta si a; chuongchun, ka pa naupasalhai laia chun Israel po po chunga lala mi siem chu ṭha a ti zâwng tak a ni ta a;

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

JEREMIA 11:14

Chuleiin, hi hnam ta ding hin hni naw la, an ta dingin hnina amanih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni si a.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 6:30

Mihai chun anni chu tangkaruo hnâwla umhai tîng an ta, Lalpa chun anni chu a lo hnâwl tâk lei khan.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawngṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw che a.

ZEKARIA 4:14

Chun, ama chun, “Hieng hi hrieknâl naupasal pahnihai chu an nih, leihnuoi po po Lalpa sîra ngîr hlakhai chu an nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:12

Chun, Isaiin, “Jessai zung zâm chu um a ta, Jentailhai Lala um dingin, A hung suok ding chu um bawk a ta, Ama chu Jentailhai chun beisei phâng an tih,” a ti nâwk bawk a.

HEBRAIHAI 11:32

Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw ni a.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 15:26

Chun, Samuel chun Saula kuomah, “Fepui naw tawp ka ti che, Lalpa thu chu i dit si naw a; chun, Lalpa khawmin Israelhai lal dingin a dit bîk ta naw che a nih,” a ta.

1 SAMUEL 15:35

Chuongchun, Samuel chun a thi ni chenin Saula chu a sir nâwk ta naw a; amiruokchu, Samuel chu Saula leiin a lungngai a nih; chun, Lalpa khawm chu Israelhai lal dinga Saula a lo siem chu ân sîr a nih.

1 SAMUEL 16:15

Chun, Saula siehlawhai chun a kuomah, “Ngai ta, Pathien tir khawhriin a sukbuoi che a nih.

1 SAMUEL 16:23

Chun, hieng hi a hung na, Pathien tir khawhriin Saula chu a man po leh, David chun ṭingṭang a lâk a, a kei hlak a; chuongchun, Saula chu a hung har a, a ṭha nâwk hlak a; chun, khawhri chun a suoksan hlak a.

1 SAMUEL 17:12

Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni ta a, tarsiea ngai a ni tah.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.