1 SAMUEL 15:35 - Pathien Lekhabu Inthieng (BSI)

³⁵ Chuongchun, Samuel chun a thi ni chenin Saula chu a sir nâwk ta naw a; amiruokchu, Samuel chu Saula leiin a lungngai a nih; chun, Lalpa khawm chu Israelhai lal dinga Saula a lo siem chu ân sîr a nih.

1 SAMUEL 15:35 ပူးပေါင်းရင်းမြစ်များ

INṬANNA 6:6

Chuongchun, Lalpa chun hnuoia hin mihriem a lo siem ta lei chun ân sîr hle a, lungril natnain a hmang pha ta a.

2 SAMUEL 6:23

Chuongchun, Saula naunu Mikal chun a thi chenin nau a nei ta naw a.

INPÂKNA HLABU 119:136

Ka mitthli hi vadung tui angin a luong thla a, I dân an zâwm naw leiin.

INPÂKNA HLABU 119:158

Vervêktaka thawtuhai chu, ka en a, ka lungni naw a, I thu an zâwm naw leiin.

PHILIPPI 3:18

Mi tamtak an fe a, chuhai chu Krista kraws hmêlma an ni ti an chanchin ka hril rawp cheu kha, tu khawm hin ṭap pumin ka hril cheu hi.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.

1 SAMUEL 16:1

Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 19:24

Chun, ama khawmin a silfênhai a hlîp ve a, Samuel hmaa chun thu a hril ve ta nuk nuk a, chu ni zânkhuo le sûnnithlâk chun ruokin a zâl a. Chuleiin, “Saula khawm chu zâwlneihai lai a ṭhang ve el am a ni tah?” ti hi an chîng sawng ta a.