1 SAMUEL 15:33 - Pathien Lekhabu Inthieng (BSI)

³³ Chun, Samuel chun, “I kâwlhnâmin nuhmeihai nau boa a siem angin i nu khawm nuhmei laia nau bo mi nîng a tih,” a ta. Chuongchun, Samuel chun Agag chu Gilgal khuoa chun Lalpa hmaah a sât nawi neng el ta a.

1 SAMUEL 15:33 ပူးပေါင်းရင်းမြစ်များ

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

FESUOKNA 17:11

Mosiein a hmawl ân let sûng po chu Israelhai chun an hne a, chun, a kut a lâkthlâk phingleh Amalekhai chun an hne ve thung pei a.

FESUOKNA 21:24

mit aiah mit, ha aiah ha, kut aiah kut, ke aiah ke,

ISAI 34:6

Lalpa kâwlhnâm chu thisenin a khawp a, thâunaa sukthâuin a um ta a; berâmte le kêlte thisenin, berâmchal kal thâu dâmin; Lalpa chun Bozra khuoa chun inthâwina a nei a. Edom rama chun thatna nasatak a nei bawk si a.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 48:10

Lalpa sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

NAMBAR 14:45

Chuongchun, chu tlânga um Amalek mihai le Kanaan mihai chu an hung thla a, an thaw a, Horma chenin an hnawt a, an vuokthlûk rum el a.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.

THUPUONGSUO 18:6

Amain a pêk ang ngei khan pe thung unla, a thilthawzie ang pei chu a lêt hniin thung unla, a chawkpawlna noa chun a ta dingin a lêt hniin chawkpawlpêk ro.

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a ti a. Chun, Jerusalemah an ṭhuoi a, chutaka chun a thi ta a.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 15:32

Chun, Samuel chun, “Amalek mihai lal Agag chu ka kuomah hung ṭhuoi ro,” a ti a. Chuongchun, Agag chu a kuoma chun inthin pumin a va fe a. Chun, Agag chun, “Thina kha chu ka pumpel ta chu ni âwmtak a na,” a ta.