1 SAMUEL 15:30 - Pathien Lekhabu Inthieng (BSI)

³⁰ Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.

1 SAMUEL 15:30 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, Lalpa ruok chu a fel a nih.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

HABAKKUK 2:4

En ta u, a lungril chu a chapo a, amaa chun ân dik naw a nih, Mi fel ruok chu a ringna lei chun hring a tih.

JOHAN 12:43

Pathien kuoma ropuina nêkin mihriem kuoma ropuina an dit lem si a.

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

1 SAMUEL 15:31

Chuongchun, Samuel chun Saula chu a fepui ta a; Saula chun Lalpa chu a biek ta a.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.