1 SAMUEL 15:24 - Pathien Lekhabu Inthieng (BSI)

²⁴ Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 15:24 ပူးပေါင်းရင်းမြစ်များ

INṬANNA 3:12

Mihriem chun, “A mi umpui dinga nuhmei i mi pêk ngei khan thing ra chu a mi pêk a, ka fâk ta a nih,” a ta.

INṬANNA 3:17

Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tia thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

JOB LEKHABU (THE BOOK OF JOB) 31:34

Mipui nasatakhai chu ka ṭi a, Sûngkaw inpâwina chun a mi suklâu bawk a; Ka to ṭawk a, kawtkhâr khawm ka suok ngam naw a ni chun,

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw ta a: Thu i hrilin thiem în changtir thei a, Ro i rêlin demkailo i ni theina dingin.

FESUOKNA 10:16

Chun Pharao chun Mosie le Aron chu inhmawtakin a ko a, “Nang le in Pathien Lalpa chunga chun thil ka suksuol tah a nih.

FESUOKNA 23:2

Thil suol thaw dingin mipui chu i zui ding a ni naw a; indikna keikâwi dinga mi tamna tieng tienga ṭhangin thubuoiah hrietpuitu i ni ding a ni bawk nawh;

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, Lalpa ruok chu a fel a nih.

THUVARHAI 29:25

Mihriem ṭîna hin châng a hung siem a, Lalpaa a ringna innghattu ruok chu him a tih.

JEREMIA 38:5

Chun, lal Zedekia chun, “Ngai ta u, in kuta um a nih annâwm; lal chu nangni kal zâwnga thil thaw thei mi ding a ni si naw a,” a ta.

NAMBAR 22:34

Balaam chun Lalpa vântirko kuomah, “Ka lo suol a ni ta chu, mi dang dingin lampuiah i ngîr ti ka hriet si naw a; chuleiin, i lâwm naw chun kîr nâwk el ka tih,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

1 SAMUEL 15:15

Chun, Saula chun, “Amalek mihai ta an hung lâkpêk a nih, Lalpa i Pathien kuoma inthâwina dingin mipuihaiin berâm ṭha ṭhahai le, bâwngchal ṭha an hla a nih, chun a dang po po chu kan sukhlum vawng a nih,” a ta.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.

1 SAMUEL 15:9

Amiruokchu, Saula le mipuihai chun Agag chu an hla a, berâm ṭha ṭhahai, bâwngchal ṭha ṭhahai, a thau thau dâm, berâmte le a ṭha po po leh, chuonghai chu an sukhlum nuom naw a; a ṭha naw le an dit naw po chu an sukhlum vawng a.

1 SAMUEL 2:29

Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.