1 SAMUEL 15:22 - Pathien Lekhabu Inthieng (BSI)

²² Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.

1 SAMUEL 15:22 ပူးပေါင်းရင်းမြစ်များ

INṬANNA 4:4

Abel khawm chun a berâm ruol laia a pieng hmasatakhai le a thau chu a hung lâk a. Lalpa chun Abel le a thilinhlân chu a lâwm a;

FESUOKNA 19:5

Chuleiin, tuhin, ka thu in zâwm famkim a , ka thuthlung in vawng tlat chun, hnuoi hi ka ta a ni si a, hnam dang po po lai chun ka ro bîk nîng in tih; hnuoi pumpui hi ka ta a ni si a.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

THUHRILTU 5:1

Pathien ina i fe pha chun i ke vêng ṭha rawh, invêthai inthâwina inhlân nêk chun ngai dinga va hnai chu a ṭha lem si a; thil ṭha naw an thaw ti an hriet si naw a.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatuhai chu ṭhahnemngaitakin ka lo inhriettir ta a.

JEREMIA 26:13

Chuleiin, tuhin in thilthawhai le in umdânhai chu siemṭha unla, Lalpa in Pathien râwl chu awi ro; chuongchun, nangni dodâla LalpaIN thil ṭha naw a lo hril ta khawm chu lamlêt a tih.

HOSEA 6:6

Inthâwina dit lovin lunginsietna ka dit si a; Pumrawhmang thilinhlân nêk chun Pathien hrietna ka dit lem a nih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

MATTHAI 12:7

Nisienlakhawm, ‘Inthâwina dit lovin lunginsietna ka dit,’ ti hi a umzie hre thiem sa ni unla chu, mi thiemhai chu thiemnaw in inchangtir naw ding bah.

MATTHAI 23:23

“Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

MATTHAI 5:24

chutaka maichâm hmaa chun i thilpêk chu mâksan la, fe la, i unau rem zet la, chu hnunga chun i thilpêk chu inhlân rawh.

MATTHAI 9:13

Chuongchun, ‘Inthâwina dit lovin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni naw a, mi suolhai lem indawn dinga hung ka nih in sawnnaw,” a ta.

MARKA 12:33

ama chu lungril po poa, hrietna po poa, hrâtna po poa hmangai a, mâni inhmangai anga vênghai hmangai chu pumrawhmang ser pêk po po le inthawina po po nêkin a ṭha lem bêk bêk ti hi i hril dik ngawt el,” a ta.

1 SAMUEL 13:12

Chuleiin, ‘Philistin mihai chun Gilgala hin an mi hung thaw ding a ni ṭep si a, Lalpa lunginsietna hlak ka la hni si naw a,’ ka ti a. Chuleiin, pumrawhmang thilinhlân chu inhlân naw thei ka ni naw a nih,” a ta.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: Lalpa i Pathien thupêk, thu a pêk che hi i zâwm naw a nih; Lalpa chun Israelhai chunga în lalna hi kumkhuoa dinga sukdet tum chu a ni a.