1 SAMUEL 15:19 - Pathien Lekhabu Inthieng (BSI)

¹⁹ Iengdinga Lalpa thu chu zâwm lo a, râllâk thil chu a bawin i baw a, Lalpa mithmua thil ṭha naw i thaw el am?” a ta.

1 SAMUEL 15:19 ပူးပေါင်းရင်းမြစ်များ

2 SAMUEL 12:9

Iengtiziea Lalpa thu chu ngainêpa, a mithmua thil ṭha naw i thaw el am a ni leh? Hit mi Uria chu kâwlhnâmin i sukhlum a, a nuhmei chu i nuhmei dingin i neipêk a, Ammon mihai kâwlhnâmin i that a.

2 CHANCHIN SUINA 33:2

Ama chun Lalpain Israel mihai hmaa a hnawt suokhai, khawhri be mihai tirdakumna ang chun Lalpa mithmuah thil ṭha naw chu a thaw a.

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

2 CHANCHIN SUINA 36:12

a Pathien Lalpa mithmuah thil ṭha naw chu a thaw a; Lalpa baua inthawka thuhriltu Jeremia hmaa khawm chun ama le ama chu ân sukhnuoi naw a.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

JEREMIA 7:11

Hi in ka hming chawi hi in mithmua chun inruhai pûk a lo ni ta a ni maw? Ngai ta u, keiin, keima ngeiin ka hmu tah, Lalpa chun a tih.

NAMBAR 14:41

Chun, Mosiein, “Tluongtlungna ni naw ni ti hriet zing sain iengdinga Lalpa thupêk in bawsiet ding am a na?

2 TIMOTHE 4:10

Dema chun tulai khawvêl hi a ngainat leiin a mi mâksan ta a. Thessalonikaah a fe ta si a; Kreske chu Galati ramah a fe ta a, Tita chu Dalmati ramah a fe ta bawk a, Luka chau ka kuomah a um tah.

1 SAMUEL 14:32

Chuongchun, mipuihai chun an râllâk thilhai chu a bawin an baw a, berâmhai, bâwngchalhai, kêltehai an man a, hnuoia chun an sukhlum a, mipuihai chun a thisen pumin an fâk el ta a.

1 SAMUEL 15:20

Chun, Saula chun Samuel kuomah, “E, Lalpa thu ka zâwm annâwm, Lalpa mi tirna tienga chun ka fe a; Amalek lal Agag ka hung man a, Amalek mihai chu ka sukhlum vawng annâwm.