1 SAMUEL 15:17 - Pathien Lekhabu Inthieng (BSI)

¹⁷ Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;

1 SAMUEL 15:17 ပူးပေါင်းရင်းမြစ်များ

HOSEA 13:1

Ephraimin thu a hril chun inthinna khawp a tling hiel hlak, Israel mihai laia chun ngai ropui a ni mieu si a. Baal kuoma a tlûk china hin chu a thi ta a nih.

MATTHAI 18:4

Chuongchun, tukhawm hi naupangte anga inngaitlâwm taphawt, ama chu vân rama chun ropuitak a tih.

RORELTUHAI 6:15

Ama chun a kuomah, “Aw Lalpa, iengtin am Israelhai hi hang sansuok el hlak ka ti lie? Ngai ta, Manasse thlahai laia hnam châu tak ka ni a, kei hlak hi ka pa sûngkuo laia a chîn tak ka ni bawk si a,” a ti a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 10:22

Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.

1 SAMUEL 15:16

Chun, Samuel chun Saula kuomah, “Ngai rawh, zâni zâna Lalpain thu ka kuoma a hril, hril ka ti che,” a ta. Ama chun a kuomah, “Hril raw khai,” a ta.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.