1 SAMUEL 15:11 - Pathien Lekhabu Inthieng (BSI)

¹¹ “Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.

1 SAMUEL 15:11 ပူးပေါင်းရင်းမြစ်များ

INṬANNA 6:6

Chuongchun, Lalpa chun hnuoia hin mihriem a lo siem ta lei chun ân sîr hle a, lungril natnain a hmang pha ta a.

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun Lalpain thil ṭha naw thaw a tum chu ân lêt a, mihai sukbohmangtu vântirko kuoma chun, “A hun ta ie, i kut inlet ta naw rawh,” a ta. Chun, Lalpa vântirko chu Jebus mi Arauna hrizâwl bula chun a um a.

1 LALHAI 11:9

Chuongchun, Lalpa chu Solomon chunga chun a lunginsen ta a, Lalpa Israelhai Pathien a kuoma vawihni lai inlâr chu a lungrila phatsanin,

1 CHANCHIN SUINA 10:13

Chuongchun, Saula chu Lalpa chunga a ringum nawna leiin a thi ta a; Lalpa thu chu a zâwm naw a, khawhri zâwl aisânthiem chu zawng suokin a râwn a,

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun Lalpa chun a hmu a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

JOB LEKHABU (THE BOOK OF JOB) 34:27

Ama chu zui dinga an pêthmangsan lei le A lampuihai chu pakhat khawm an ngaisak naw leiin.

INPÂKNA HLABU 109:4

Ka lunginsiet leiin a mi dotuhai an hung ni ta a; Nisienlakhawm, kei chu ṭawngṭâi dingin kân pêk tlat a.

INPÂKNA HLABU 110:4

Lalpa chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

INPÂKNA HLABU 119:136

Ka mitthli hi vadung tui angin a luong thla a, I dân an zâwm naw leiin.

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan ta a.

INPÂKNA HLABU 78:41

An ngha kîr nâwkin Pathien an fie a, Israelhai mi inthieng chu an suknuor hlak.

INPÂKNA HLABU 78:57

Ngha kîrin, an thlatuhai angin vervêktakin an thaw ta lem a: Thalngul ringum naw angin an fe kâwi ta a;

FESUOKNA 32:11

Mosie ruok chun Lalpa a Pathien chu a ngên a, “Lalpa, Aigupta rama inthawka kut thahrât le thilthawtheina nasatak le i hung ṭhuoi suok hieng i mihai chunga hin iengdingin am i lunginsenna chu lum el a ta?

FESUOKNA 32:14

Chun, Lalpa chun a mihai chunga thâwng ka tih tia a hril thil ṭha naw chu a lâkkîr ta a.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; Lalpa berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 34:16

Amiruokchu, in inher a, ka hming chu in sukpawrche ta a; mi tin chun a siehlawpa le a siehlawnu, an nuom anga zalêna in infetir tahai chu in inkîrtir nâwk ta a; thununna hnuoia chun in lâklût nâwk a, in ta dinga siehlawpahai le siehlawnuhai ni dingin.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:18

hung inhmaw hai sienla, ei ta dingin ṭapinrûm raw hai se, ei mithai chu mitthlia a far theina ding le, ei mitvunhai chun tui a phusuok theina dingin.

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi rilovin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw ni a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

AMOS 7:3

Hi thuah hin Lalpa chu ân lêt a, Lalpa chun, “Ni nâwk ta naw nih,” a ta.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah an chunga sietna intlun a tum chu, Pathien chun ân lêt a; a thaw ta naw a.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

MATTHAI 24:13

Nisienlakhawm, a tâwpna chena tuor pei taphawt chu, chu ngei chu sandamin um a tih.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suknawmnatuhai cheu chu ṭawngṭaipêk ro;

LUKA 6:12

Chun, chuong lai chun a suok a, ṭawngṭai dingin tlângah a fe a, Pathien kuomah zânkhuon a ṭawngṭai a.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

JOSUA 22:16

an kuomah, “Lalpa mipui pungkhâwm po poin, ‘Hi thil suoltak hi iengtiziea Israelhai Pathien chungah thaw am in ni a? Lalpa chu nghatsanin maichâm dâm siemin iengtiziea Lalpa chunga hel am in ni a?

1 SAMUEL 12:23

Chu chau khawm chu a ni naw a, in ta dinga ṭawngṭai ma a, Lalpa chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: Lalpa i Pathien thupêk, thu a pêk che hi i zâwm naw a nih; Lalpa chun Israelhai chunga în lalna hi kumkhuoa dinga sukdet tum chu a ni a.

1 SAMUEL 15:10

Chun, Lalpa thu chu Samuel kuoma chun a hung tlung a.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:35

Chuongchun, Samuel chun a thi ni chenin Saula chu a sir nâwk ta naw a; amiruokchu, Samuel chu Saula leiin a lungngai a nih; chun, Lalpa khawm chu Israelhai lal dinga Saula a lo siem chu ân sîr a nih.

1 SAMUEL 15:9

Amiruokchu, Saula le mipuihai chun Agag chu an hla a, berâm ṭha ṭhahai, bâwngchal ṭha ṭhahai, a thau thau dâm, berâmte le a ṭha po po leh, chuonghai chu an sukhlum nuom naw a; a ṭha naw le an dit naw po chu an sukhlum vawng a.

1 SAMUEL 16:1

Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hle a. Chuongchun, Samuel chu Lalpa kuomah a ṭawngṭai a.