1 SAMUEL 14:52 - Pathien Lekhabu Inthieng (BSI)

⁵² Chuongchun, Saula dam sûng po po chun Philistin mihai le hin nasatakin an indo hlak a; chun, Saula chun mi hrât amanih, mi huoi amanih a hmu taphawt chu a lâk pei hlak a nih.

1 SAMUEL 14:52 ပူးပေါင်းရင်းမြစ်များ

1 SAMUEL 13:5

Chun, Philistin mihai chu Israelhai do ding chun an pungkhâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuipui kama phaiphin zât zet an nih; chun, an hang fe a, Beth-aven saktieng panga Mikmasa chun ṭhanghmun an khuor a.

1 SAMUEL 14:47

Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon mihai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.

1 SAMUEL 8:1

Samuel chu a hung upa ta a, a naupasalhai chu Israel mihai chunga rorêltuhaiah a siem a.

1 SAMUEL 8:11

“In chunga rorêltu lal châng dân ding chu hieng ang hi nîng a tih: in naupasalhai chu a sakawr le a tawlailîr chuongpuia hai ruot a ta, a tawlailîr hmaa tlânhai dâm um an ta;