1 SAMUEL 14:45 - Pathien Lekhabu Inthieng (BSI)

⁴⁵ Chun, mipuihai chun Saula kuoma chun, “Israelhai laia hi sandamna ropuitak thawtu Jonathan hi a thi el ding maw? Teu lo e, Lalpa hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thawpui a ni si a,” an ta. Chuongchun, mipui chun Jonathan chu thi lo dingin an sanhim ta a.

1 SAMUEL 14:45 ပူးပေါင်းရင်းမြစ်များ

2 SAMUEL 14:11

Ama chun, “Thisen insuotuhai chunga phuba latuhaiin sukbohmang ta lo dingin lal chun Lalpa i Pathien chu hre zing raw se aw; chuong naw chun chu ka naupa hi sukbohmang rawi an tih,” a ta. Chun, ama chun, “Lalpa hringna sâlin ka hril a nih, i naupa samzai pakhat khawm hnuoia hin tla naw nih,” a ta.

1 LALHAI 1:52

Solomon chun, “Mi ringumtak a ni ti a suklang phawt chun a sam zâi khat khawm hnuoiah tla naw nih, amiruokchu, rîtlona a nei ti hriet a ni ruok chun thîng a tih,” a ta.

2 CHANCHIN SUINA 19:11

Chun, ngai ta u, thiempu lal tak Amaria chu Lalpa thu chungchâng po poa chun nangni hotu a na; Juda sûngkaw chunga rorêltu Ismael naupa Zebadia chu lal thu chungchânga po po chun a ni bawk a; Levi mihai khawm chu in hmaa chun hotuhai ni bawk an tih. Huoitakin thaw unla, mi ṭha kuoma chun Lalpa chu um ngei a tih,” tiin.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlmahaia inthawkin sansuoktu ding sandamtuhai i pêk a.

ISAI 13:3

Keima ngeiin ka mi ruothai chu thu ka pêk ta a, anih, ka mi hrâttak, ka mi indutaka hlimhai chu ka lunginsen hrîkthlatu dingin ka ko tah.

MATTHAI 10:30

In samzai chen khawm hi tiem vawng a nih in sawnnaw.

LUKA 21:18

Nisienlakhawm, in sam zai khat khawm bohmang naw nih.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 15:12

Chuongchun, mipui po po an to zing a, Barnaba le Paula Pathienin anni hmanga Jentailhai laia inchiknahai le thilmakhai a thaw thu kha an hril sûng po chu an ngai a.

THILTHAWHAI 21:19

Chun, Paulain anni chibai a bûk zoin, a rawngbâwlna hmanga Pathienin Jentailhai laia thil ân thawtirhai chu a kip a kawiin a hril a.

THILTHAWHAI 27:34

Chuleiin, bu fa dingin ka tir cheu hi; in damna ding a ni hi; nangni laia tukhawm a samzai pakhat khawm bohmang naw ni,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:14

Vâna sipaihai chun, puon zai inhmi vârtak, faitak silin, sakawr vârhai chunga chuongin an zui a.

1 SAMUEL 11:13

Saula chun, “Vawisûn kher hin chu tukhawm sukhlum ding a ni naw ie, vawisûn hin Lalpa chun Israelhai lai sandamna a hung siem ta si a,” a ta.

1 SAMUEL 14:23

Chuongchun, Lalpain chu ni chun Israel mihai chu a sanhim ta a, chun, Beth-aven tlung rakin an thaw a.

1 SAMUEL 14:46

Chuongchun, Saulan Philistin mihai a hnawt chu a kîrsan ta a; chun, Philistin mihai khawm chu anni umna hmunah an fe ta a.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.