1 SAMUEL 14:20 - Pathien Lekhabu Inthieng (BSI)

²⁰ Chuongchun, Saula le mipuihai po po chu an fe khâwm a, indonaa chun an fe ta a; chun, anni le anni kâwlhnâma lo inthaw rak a, lo buoi nuk nuk chu an hmu a.

1 SAMUEL 14:20 ပူးပေါင်းရင်းမြစ်များ

1 LALHAI 20:21

Chun, Israel lal chu a va suok a, sakawr le tawlailîrhai chu a va thaw a, Suria mihai chu a va that rak el a.

2 CHANCHIN SUINA 20:23

Moab le Ammon mihai chu Seir tlâng khuo deltuhai chu that vawng a, anni sukbohmang dingin an hung tho ta a; chun, Seir tlâng hluotuhai an hung sukrêm hnunga khawm chun, mi tin chu mi dang dang insukbohmangtuo an tum seng ta a.

ISAI 19:2

Chun, Aigupta mihai chu Aigupta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

EZEKIEL 38:21

Ka tlânghai po po kuoma chun, ama do dingin kâwlhnâm ko ka ta, Lalpa Pathien chun a tih; mi tin kâwlhnâm chu a unau chungah um a tih.

RORELTUHAI 7:22

Chun, tawtawrâwt za thum chu an mût a, chun, Lalpa chun sipaihai po po chu anni le anni kâwlhnâmin ân dotir tâwl ta a; chuongchun, sipaihai chu Zerera tieng panga Betshittah chen, Tabbath kâwla Abel-meholah ramri chen an tlânsie a.

1 SAMUEL 14:16

Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khingtiengah an invâk nuoi nuoi el a.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.