1 SAMUEL 14:16 - Pathien Lekhabu Inthieng (BSI)

¹⁶ Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khingtiengah an invâk nuoi nuoi el a.

1 SAMUEL 14:16 ပူးပေါင်းရင်းမြစ်များ

INPÂKNA HLABU 58:7

Anni chu tui hrâttaka luong angin intui hmang hai sienla, A thalhai a tinin, sât fik angin um pei raw hai se.

INPÂKNA HLABU 68:2

Meikhu hi lên hmanga a um ang hin, anni chu lên hmang la; Khuoihlu hi mei luma ân tuihmang angin, Mi rilohai chu Pathien hmaah bohmang raw se.

ISAI 19:2

Chun, Aigupta mihai chu Aigupta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

RORELTUHAI 7:22

Chun, tawtawrâwt za thum chu an mût a, chun, Lalpa chun sipaihai po po chu anni le anni kâwlhnâmin ân dotir tâwl ta a; chuongchun, sipaihai chu Zerera tieng panga Betshittah chen, Tabbath kâwla Abel-meholah ramri chen an tlânsie a.

1 SAMUEL 14:15

Chun, riekhmuna mihai, phûla mi dâm, mipuihai po po chu an inthin a; chun, râl vêngtu sipaihai le râlrûkhai khawm chu an inthin ve a, chun, simkhawleihnuoi ân hning a, nasataka inthinna a um a.

1 SAMUEL 14:17

Chuongchun, Saula chun a kuoma mipui umhai kuoma chun, “Tuhin intiem unla, tuhai hai am an na a kim naw?” a ta. Chun, an hang intiem chun ngai ta, Jonathan le a râlthuom chawitu chu an lo um ve ta naw a.

1 SAMUEL 14:20

Chuongchun, Saula le mipuihai po po chu an fe khâwm a, indonaa chun an fe ta a; chun, anni le anni kâwlhnâma lo inthaw rak a, lo buoi nuk nuk chu an hmu a.