1 SAMUEL 14:10 - Pathien Lekhabu Inthieng (BSI)

¹⁰ ‘Kan kuom tieng hin hung ro,’ an ti ruok chun hang fêng ei ta, Lalpain ei kutah a mi pêk a ni tah ti inchikna ning a tih,” a ta.

1 SAMUEL 14:10 ပူးပေါင်းရင်းမြစ်များ

INṬANNA 24:14

chuongchun, hieng ang hin ni raw se, nunghâk tu kuoma khawm, ‘Lunginsiettakin ka dâwn dingin i tuibêl kha sukhnuoi raw khai,’ tîng ka ta; ‘Dâwn rawh, i sanghâwngseihai khawm dâwn ding pêng ka tih,’ titu taphawt chu, chu ngei chu i siehlaw Isak ta dinga i ruot chu ni raw se; chutaka chun ka pu chungah lunginsietna în entir ti hrieng ka tih,” a ta.

2 LALHAI 20:9

Isai chun, “Lalpain a thil hril hi thaw ngei a tih ti, hi hi Lalpa kuoma inthawka inchikna chu ning a tih: hlim chu sirbi sâwm chena a hang intâwl am i nuom, sirbi sâwm chena ân tâwl kîr?” a ta.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a ti a.

RORELTUHAI 6:36

Chun, Gideonin Pathien kuomah, “I hril anga keia kuta Israelhai hi i sansuok ding chun,

RORELTUHAI 7:11

chuongchun, an thuhril chu hrieng i ta; chu hnunga chun chu i kut chu sukhrâtin um a ta, kula chun fe ngam tâng i tih,” a ti a. Chuongchun, a siehlaw Pura le chun kula râl vênghai umna tawntir taka chun an zu fe ta a.

1 SAMUEL 10:7

Chun, hieng inchiknahai hi i chunga a hung um pha chun thil hung umin a zir ang peiin i thaw ding a nih; Pathien chu i kuomah a um pei si a.

1 SAMUEL 14:9

Chun, ei kuomah, ‘In kuoma kan hung hmakhat chun la um ro,’ an mi ti chun, ei hmuna chun ngîr zing ei ta,an kuomah hang fe nâwng ei ta,