1 SAMUEL 13:4 - Pathien Lekhabu Inthieng (BSI)

⁴ Chun, Israelhai po po chun Saula chun Philistin râl vêngtu sipaihai a thaw ti le Israelhai khawmin Philistin mihai theida an phur a nih ti an lo hriet ta a. Chuongchun, a mipuihai chu Gilgala chun Saula kuomah an pungkhâwm ta ṭeu el a.

1 SAMUEL 13:4 ပူးပေါင်းရင်းမြစ်များ

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

2 SAMUEL 10:6

Chun, Ammon mihai chun David theida zâwng an lo ni tah ti an hung inhriet chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an incha a, an ruoi a.

FESUOKNA 5:21

an kuomah, “Lalpain en cheuin in chungthu chu rêl raw se, keini mi thatna dinga an kuta kâwlhnâm chawi dingin, Pharao le a siehlawhai mithmuah theidaumah in mi siem ta lei hin,” an ti a.

ZEKARIA 11:8

Chun, thla khat sûngin berâmpu pathumhai chu ka pei thlâk a; ka lungrilin anni chu a nghawk a, anni lungril khawma kei an mi nghawk bawk si a.

JOSUA 5:9

Chun, Lalpain Josua kuomah, “Vawisûn hin Aigupta mihai hmusitna cheu hi kân hlum hmang tah,” a ta. Chuongchun, chu hmun chu tu chen hin Gilgal an lo ti a nih.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 27:12

Chun, Akis chun David thuhril chu awiin, “Ama le ama hi Israel mihai ân theidatir ta hle el a, chuleiin, kumkhuoin ka siehlawah um a tih, ” a ta.