1 SAMUEL 12:8 - Pathien Lekhabu Inthieng (BSI)

⁸ Aigupta rama Jakob a lût hnung khan, in puhai chun Lalpa an ko a, chuongchun, Lalpa chun Mosie le Aron a tir a, anni chun in puhai chu Aigupta rama inthawkin an ṭhuoi suok a, hi hmuna hin an inumtir ta a.

1 SAMUEL 12:8 ပူးပေါင်းရင်းမြစ်များ

INPÂKNA HLABU 105:44

Chun,hnam tin ramhai chu an kuomah a pêkpêk a, Anni chun mi tin thaw suoksa chu an hluo ta a;

FESUOKNA 12:51

Chu ni ngei chun Lalpa chun Israel mihai chu an pâwl ruol ang peiin Aigupta rama inthawk a ṭhuoi suok ta a.

FESUOKNA 6:26

Hieng hi an nih Mosie le Aron kuoma Lalpain, “Israel mihai chu Aigupta rama inthawkin an pâwl ruol ang peiin hung ṭhuoi suok ro,” a tihai chu.

NAMBAR 20:15

kan pi le puhai Aigupta ramah an fe thla a, sâwttak el Aigupta rama kan um dâm, Aigupta mihaiin kan pi le puhai le keini ngei khawm ṭha nawtaka an mi thawzie dâm kha.

THILTHAWHAI 7:15

Chuongchun, Jakob chu Aigupta ramah a zu fe a, chutaka chun ama le ei thlatuhai chu an thi ta a,

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni si a.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.

1 SAMUEL 10:18

Israel thlahai kuoma chun, “Lalpa Israelhai Pathien chun hieng ang hin a ti a nih, ‘Israelhai chu Aiguptaa inthawkin ka ṭhuoi suok a, Aigupta mihai kuta inthawk le, a hnuoisietuhai cheu ram po poa inthawkin ka sansuok cheu a.

1 SAMUEL 12:6

Chun, Samuel chun mipui kuoma chun, “Mosie le Aron ruottu le Aigupta rama inthawka in puhai ṭhuoi suoktu Lalpa chu a nih in sawnnaw.