1 SAMUEL 12:23 - Pathien Lekhabu Inthieng (BSI)

²³ Chu chau khawm chu a ni naw a, in ta dinga ṭawngṭai ma a, Lalpa chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 12:23 ပူးပေါင်းရင်းမြစ်များ

1 LALHAI 8:36

nangin vâna inthawkin lo ngai la, i siehlawhai le i mi Israelhai suolna hi ngaidam la, an fena ding lampui ṭha khîkhmu pei la, chun, i mihai an rochan dinga i pêk rama hin ruo hung insûrtir bawk la.

2 CHANCHIN SUINA 6:27

vâna chun lo hre la, an fena ding lampui ṭha închûktir lai chun i siehlawhai le i mi Israelhai suol chu nangin lo ngaidam la; i mihai kuoma rochan dinga i pêk, chu ram chunga chun ruo insûrtir rawh.

INPÂKNA HLABU 122:6

Jerusalem thlamuongna ding hnipêk ro, Nangma ngainatuhai chu thawveng an tih.

INPÂKNA HLABU 34:11

Hung ro, naupanghai ka thu ngai ta u, Lalpa ṭi dân lo inchûktir ka ti cheu.

INPÂKNA HLABU 34:12

Thilṭha a hmu theina dinga hringna dita, Dam sâwt ngaina mi chu tu am a na?

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a ni a, chuleiin, Lalpa kuomah tuhin hang fêng ka tih, in suolna ta dingin intlanna ka siem thei tâkduoiin,” a ti a.

THUVARHAI 4:11

Varna lampuia chun kân chûktir ta che a; Felna lampuihaia chun ka ṭhuoi ta che a nih.

THUHRILTU 12:10

Thuhriltu chun thu pawmtlâkhai chu hmu suok dingin a zawng a, chuong zieka umhai chu thu ngîl, thudik thuhai chu an nih.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 27:18

Amiruokchu, zâwlnei an nia, an kuoma chun Lalpa thu chu a um chun, tuhin sipaihai Lalpa kuoma chun hnina siem hai sienla, Lalpa ina bûr le bêl mâksana la umhai le, Jerusalem le lal ina mâksana la umhai chu Babulona a fe ve nawna dingin.

JEREMIA 42:4

Chun, zâwlnei Jeremia chun an kuomah, “In thu chu ka hriet ta a; ngai ta u, Lalpa in Pathien kuoma chun in thuhai ang peiin ṭawngṭai ka tih; chun, thil iengkhawma Lalpain a hung dawnna cheu chu in kuomah hrilfieng ka tih, iengkhawm in kuomah ip naw ning,” a ta.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

THILTHAWHAI 12:5

Chuleiin, Peter chu intângna inah ân umtir hri a; nisienlakhawm, kohranhaiin ama ta dingin ṭhahnemngaitakin Pathien kuomah an ṭawngṭaipêk hlak a.

THILTHAWHAI 20:20

Khâng khan a sâwt ding thil chu in kuomah iengkhawm hril intîm ka nei naw a, vantlâng lai dâm inchûktir ka ma naw kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

Ka ṭawngṭainahaia chun malovin ka hrietzing hlak cheu ti chu, A Naupa Chanchin Ṭha puonga ka thlaraua a rawng ka ibâwl Pathien chu a mi hrepuitu a nih.

1 KORINTH 9:16

Chanchin Ṭha hril lang khawm suong ding hrim hrim ka nei si naw a; thaw mâkmaw ka chungah ân nghat a ni si a; Chanchin Ṭha hril naw lang ka chung a rik ding a ni si a.

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

1 THESSALONIKA 3:10

In hmêl kan hmu theina ding le, in ringna tienga in tlâksamna kan phuhrûk pêk theina ding cheuin a sûn a zânin nasatakin kan ṭawngṭai zing a nih.

2 TIMOTHE 1:3

A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

1 SAMUEL 12:19

Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hle a. Chuongchun, Samuel chu Lalpa kuomah a ṭawngṭai a.