1 SAMUEL 12:20 - Pathien Lekhabu Inthieng (BSI)

²⁰ Chun, Samuel chun, mipuihai kuoma chun, “Ṭi naw ro, hi thil ṭha nawtak hi thaw chu in thaw ngei a, amiruokchu, Lalpa in zui chun ama chu pêtsan chuong naw unla, in lungril po poin Lalpa rawng chu bâwl lem ro;

1 SAMUEL 12:20 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

INPÂKNA HLABU 101:3

Thil ṭha naw hrim hrim ka mithmua chun sie naw ninga a, Fe pêthai thilthaw chu ka theida a nih; Keimaah kawp naw nih.

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 40:4

Lalpa chu a ringsana nei a, Chapohai le khêl tienga pêthai ngaisaklo mi chu, a hamṭha ie;

FESUOKNA 23:25

Lalpa i Pathien rawng chu bâwl i ta, i tui le beia khawm mal sâwmpêk ka ti che; chun, nangmaa inthawkin natnahai chu la hmang bawk ka tih.

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a ni a, chuleiin, Lalpa kuomah tuhin hang fêng ka tih, in suolna ta dingin intlanna ka siem thei tâkduoiin,” a ti a.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

HAGGAI 2:5

Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni si a: ṭi dêr naw ro, Lalpa chun a tih,” tiin.

DÂN PAHNINA 10:12

“Khai le, Israel mihai, nangnia inthawka Lalpa in Pathienin a phût chu ieng dang khawm a ni naw a, in ṭhatna dinga Lalpa in Pathien in ṭi a, a lampui po po chu hraw a, ama hmangai a, in lungril po po le in lungvar po poa Lalpa in Pathien rawng bâwl a,

DÂN PAHNINA 11:16

Fîmkhur ro khai, chuong naw chun, in lungril chu hlêmin um a ta, pêthmang in ta, pathien dang rawng dâm bâwl in ta, be el rawi in tih;

DÂN PAHNINA 31:29

Ka thi hnung chun nasatakin insuksieng in ta, ka thupêk cheu lampuia inthawk hin pêthmang in tih ti ka hriet zing a nih; chun, a tâwpa lem chu thil ṭha nawin tlâkbuok a ti cheu a; in kut thilthawa suklungsen dinga Lalpa mithmua thil ṭha naw in thaw ding leiin,” tiin.

JOSUA 23:6

Chuleiin, Mosie dân lekhabua ziek po pohai hi changtienga manih, vawitienga manih in pêtsan nawna dingin huoitakin pawm unla, thaw bawk ro;

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 SAMUEL 12:19

Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.