1 SAMUEL 12:15 - Pathien Lekhabu Inthieng (BSI)

¹⁵ amiruokchu, Lalpa râwl chu ngai lova Lalpa thupêk in helsan chun in puhaiin Lalpa kut an tuor ang bawkin nangni khawma tuor in tih.

1 SAMUEL 12:15 ပူးပေါင်းရင်းမြစ်များ

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana Lalpa chungah in hel hlak a; ka thi hnunga lem chu iengtin takin am a nasa ding chu aw!

JOSUA 24:20

Lalpa chu in mâksan a, hnam dang pathienhai rawng in bâwl chun chu, in chungah a ṭha sa hin in chungah thil ṭha nawin ṭuong vêng a ta, a sukbohmang el ding cheu a nih”, a ta.

RORELTUHAI 2:15

An fena tieng tiengah Lalpa kut chu a se tiengin an chungah a tla pei a, Lalpain a lo hril ta ang le Lalpain an kuoma inkhâma a lo hril ta ang khan; chuleiin, duoiin an lunginzing ta naw a.

1 SAMUEL 12:9

Nisienlakhawm, Lalpa an Pathien chu an theinghil a; chun, ama chun Hazor sipai hotu Sisera kuta le Philistin mihai kuta le, Moab lal kutah a zawr a, chun, anni chun an do a.

1 SAMUEL 5:9

Chun, chuonga an fetlungpui chun, Lalpa kut chun khuo chu a hung sukbuoi ta a, khuoa mihriemhai chu a chîn a lienin a hrem a, pânse hri an chungah ân lêngtir a.