1 SAMUEL 11:15 - Pathien Lekhabu Inthieng (BSI)

¹⁵ Chuongchun, mipui po po chu Gilgala chun an fe ta a, Saula chu Gilgala chun Lalpa hmaah lalah an siem ta a. Chutaka chun Lalpa hmaa chun inremna thilinhlânhai an inhlân a; chuongchun, chutaka chun Saula le Israel mi po pohai chu an lâwm ta êm êm a.

1 SAMUEL 11:15 ပူးပေါင်းရင်းမြစ်များ

2 SAMUEL 19:15

Chuongchun, lal chu a kîrnâwk a, Jordan a va tlung a. Chun, Judahai chu lal lo tuok a, lal chu Jordan lo ṭhuoikai dingin Gilgala chun an fe a.

FESUOKNA 24:5

Chun, Israel mi tlangvâlhai chu a tir a, Lalpa kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

JAKOB 4:16

Nisienlakhawm, in uongnahai hi in suong lem si a; chuong ang suongna po po chu suol a nih.

1 SAMUEL 10:17

Chuongchun, Samuel chun mipuihai chu Mizpaa chun Lalpa kuomah a ko khâwm a;

1 SAMUEL 10:24

Chun, Samuel chun mi po po kuomah, “Lalpa mi ruot hi in hmu am? Mipuihai po po lai ama ang hrim hrim an um nawh,” a ta. Chun, mipuihai chu an khêk a, “Pathienin laltak chu humhim raw se,” an ta.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 12:1

Chun, Samuel chun Israel mi po pohai kuoma chun, “Ngai ta u, ka kuoma in thuhrilhai po poa chun in râwl ka ngai a, lal ding chu ka siempêk ta cheu a.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin Lalpa chu ko ka ta; chuongchun, lal in hni thua hin Lalpa mithmua thil in thaw suol hi a nasatzie hi hrein hmûng in tih,” a ta.

1 SAMUEL 8:19

Nisienlakhawm, mipuihai chun Samuel rawl chu an ngai nuom naw a, “Ni lo e, lal kan nei ding a nih,