1 SAMUEL 10:22 - Pathien Lekhabu Inthieng (BSI)

²² Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.

1 SAMUEL 10:22 ပူးပေါင်းရင်းမြစ်များ

INṬANNA 25:22

A nau vawnhai chu phîng sûnga chun an insuol a; ama chun, “Hieng ang hi a ni si chun iengdinga ka dam zing am a na?” tiin Lalpa indawn dingin a fe ta a.

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 21:1

Chun, David damlai chun a kum bi sirin kum thum ṭâm a tla a; chun, David chun Lalpa chu a rawn a. Chun, Lalpa chun, “Thisen insuotu Saula le a sûnghai lei a nih; Gibeon mihai a that el si a,” a ta.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

RORELTUHAI 1:1

Josua thi hnung chun Israel thlahaiin, “Keini ta dinga Kanaan mihai chu thawa do dingin tu am hang fe hmasa phawt a ta le?” tiin Lalpa chu an râwn a.

RORELTUHAI 20:18

Chun, Israel thlahai chu an tho a, Bethelah an hang fe a, Pathien an hang râwn a, “Benjamin mihai chu tu am a na hang thaw hmasa ding?” an ti a. Lalpa chun, “Judahai hang fe hmasa raw se,” a ti a.

RORELTUHAI 20:23

(Chun, Israel thlahai chu an hang fe a, Pathien hmaah zântieng chenin an hang ṭap a, “Kan unau Benjamin mihai hi do dingin kan hang inthawk nâwk ding am a nih?” tiin Lalpa an indawn a. Lalpa chun, “Hang thaw nâwk ro,” a ti a).

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.

1 SAMUEL 10:21

Chun, Benjamin chihai chu a sûngkuoin a hung inlangtir a, Matri mi sûngkuo chu thlang an lo ni ta a; chun, Kis naupa Saula chu thlang a lo ni ta a, nisienlakhawm, ama chu an hang zawng a, an hmu naw a.

1 SAMUEL 14:37

Chun, Saula chun Pathien a râwn a, “Philistin mihai chu ka zu thaw ding am a nih? Israelhai kutah i pêk ding am a nih?” a ta. Nisienlakhawm, chu ni chun a dawn naw a.

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;

1 SAMUEL 22:10

Chun, ama chun Lalpa a rawnpêk a, fâk ding a pêk a; chun, Philistin mi Goliath kâwlhnâm a pêk bawk a,” a ta.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.

1 SAMUEL 30:7

Chun, David chun Ahimelek naupa thiempu Abiathar kuoma chun, “Thiempu zakawsîng mi va lapêk raw khai,” a ta. Abiathar chun David chu thiempu zakawsîng a va lâkpêk a.

1 SAMUEL 30:8

Chun, David chun, “Chuonghai chu hnawt lang, la hnawt phâk ka ti?” tiin Lalpa ân dawn a. Ama chun a hung dawn a, “Hnawt rawh, hnawt phâk ngei ngei i ta, sansuok vawng ngei ngei i tih,” a ta.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.